 |
Semeya: collectorcoins
Motivu conmemorativu: V centenariu de l’aparición de la ordenanza de la segunda estaya d’emisión de monedes durante’l reináu de Carlos V
Volume d’emisión: 155.000 Fecha
d’emisión: Ochobre
Nun vamos
enguedeyamos equí falando de “cuando reinó Carolo” (como decíen los nuesos
mayores). Alcordamos simplemente de que foi emperador del Sacru Imperiu
Romanu-Xermánicu, rei de Les Hispanies y de Flandes. Como rexente, tuvo
d’emitir moneda, la cuala nun yera la mesma pa tolos sos reinos. Nel casu
d’esta conmemoración debemos centramos en Flandes (Países Baxos y Bélxica).
Tres la muerte de so pá Felipe (el
curiosu, maríu de Xuana la lloca)
en 1506, emitiose una primer serie de monedes na que nun apaecíen nin el so
nome nin la so efixe. En 1521, ya como emperador, robló una ordenanza na
qu’indicaba unos nuevos tipos pa les monedes asina como les sos nueves
denominaciones.
D’esta
estaya detaca’l nomáu florín carolus d’oru,
que col tiempu, y pola so orde, pasó a ser moneda de cuenta en to l’imperiu.
N’esta serie monedes,como nes de plata y cobre, apaecía l’egocéntricu monarca y
los sos títulos en llatín, pero con lletres romanes y non gótiques (como bon
rei del Renacimientu).
Nel intre aparez la efixe del monarca, ya maduru, y col Toisón d’Oru al cuellu col títulu CAROLUS V. Mira haza’l so florín, onde apaez portando los símbolos d’emperador del Sacru Imperiu y la lleenda KAROLVS D: G ROMANOR IMP Z HISPAR REX (Carlos emperador romanu y rei de les hispanies pola gracia Dios). Baxo’l florín, les iniciales del país emisor BE y l’añu d’emisión 2021. Baxo, apaecen les iniciales del diseñador Luc Luycx, LL y la marca de la ceca d’Utrech (Países Baxos) y la de la direutora de la ceca de Bruseles.
Nel aniellu esterior, les doce estrelles de la Xunión europea.
Como nota informativa pa los colleicionistes, indicar qu’esta moneda nun va ponese’n circulación, solo va poder mercase en coincard o calidá proof.
Fontes: Numismática Visual (castellán)
No hay comentarios:
Publicar un comentario