2019: Bruegel

Semeya: Eurocoin

Motivu conmemorativu: 450 cabudañu de Pieter Bruegel, el Vieyu

Volume d’emisión: 155.000         Fecha d’emisión: Xineru

     Pieter Bruegel, de nomatu, el Vieyu y fundador de la dinastía d’artistes Bruegel; ta consideráu ún de los grandes mayestros del sieglu XVI. Con Jan Van Eyck, el Bosco y Pedro Pablo Rubens, conforma’l “club” de les cuatro grandes figures de la pintura flamenca. L’añu y llugar de nacencia ye daqué borrinoso, polo qu’a mou oficial datase haza l’añu 1525 nel llugar de Breda o Breugel, un pueblín al llau de breda. El so espoxigue como artista algamolu n’Amberes y ye perconocíu polos so cuadros de tipu paisaxísticu, asina como los dedicaos a escenes populares. La so muerte vino-y en Bruseles nel añu 1569.

     Nel intre aparez l’artista belga delantre un caballete onde reposa una esquematización del so cuadru La Torre de Babel. A manzorga, el so nome P. BRUEGEL, l’añu de la so muerte 1569 xuntu a una cruz, y l’añu del cabudañu a la par que d’acuñación 2019; de seguío, les iniciales del país emisor BE allendáu poles marques de la ceca d’Utrech (Países Baxos) y la del direutor de la ceca de Bruseles. Tres la llombera aparecen les iniciales del diseñador Lux Luycx, LL.

     Nel aniellu esterior, les doce estrelles de la Xunión europea.

     Fonte: Wikipedia. Pieter Bruegel, el Viejo (castellán)