2021: Xuntanza económica belgo-luxemburguesa

 

Semeya: colectorcoin

Motivu conmemorativu: Centenariu de la Xunión Económica Belgo-Luxemburguesa (BLEU)

Volume d’emisión: 155.000         Fecha d’emisión: Xunetu

 

     El 25 xunetu de 1921 Bélxica y Luxemburgu roblen un tratáu de xuntanza econónica (abreviao BLEU) na que desanicien toa tema d’aranceles aduaneros y asemeyen el valor de cambiu de les sos monedes nacionales, el francu belga y el francu luxemburgués, lo que fai que dambes dos monedes s’empleguen en dambos dos países ensin distinción. El tratáu en sí, entró en vigor el 22 d’avientu de 1922 y foi revisáu en 1935 y 1944 (esti mesmu añu conformaríase una xuntanza aduanera colos Países Baxos conocía como BENELUX, que xupliría en parte les funciones del BLEU, pero non toes, como l’asemeyanza de divises, polo que l’antígua xunión inda va tener la so valía) . La so fin llegó en 1972, pero ufrió delles prórrogues, rerroblaes n’esti mesmu añu, y nos de 1982 y 1992. El 18 d’avientu de 2002 roblose un nuevu tratáu, magar que dambos países formen parte de la Xunión europea y tengan l’euru como divisa.

 

     Nel intre la moneda apaecen les Tiestes superpuestes del rei belga Felipe IV y el gran duque de Luxemburgu Henri I xuntu a los mapes de los sos respeutivos estaos y les sos iniciales BE y LUX. De llau la lleenda ECONOMIC UNION y les iniciales del diseñador Luc Luycx, LL. So les Tiestes, la marca de la  direutora de la ceca de Bruseles y de la ceca  d’Utrech (Países Baxos) colos años del fechu 1921 2021(esti caberu ye l’añu acuñación tamién).

     Nel aniellu esterior, les doce estrelles de la Xunión europea.

     Como nota informativa pa los colleicionistes, indicar qu’esta moneda nun va ponese’n circulación, solo va poder mercase en coincard o calidá proof.

     Fontes: Numismática Visual (castellán)