2023: Pietro Perugino

 

Semeya: collectorcoins

Motivu conmemorativu: 500 cabudañu de Pietro di Cristoforo Vanucci, ”Perugino”

Volume d’emisión: 56.000         Fecha d’emisión: 27 d’abril

 

     Pietro di Cristoforo Vanucci (1448-1523), conocíu pol nomatu de Perugino por ser oriundu de la rexón de La Perugia. Equí tuvo los sos primeros contautos cola pintura, gracies a la bayura artistes qu’habitaben la rexón y recibiendo influyencies de personaxes como Piero della Francesca (con una moneda dedicada nel 2022). Ensin embargu, el so exposigue va entamase en Florencia, trabayando nel más famosu taller de xóvenes talentos de Andrea Verrocchio, y coincidiendo ellí con futuros mayestros como Da Vinci (con moneda nel 2019), Lippi (moneda tamién nel 2019) y Botticelli (moneda del 2010). Ya como pintor autónomu, algamó fama tanto en Perugia como en Florencia, siendo llamáu a Roma pol papa Sistu IV y encargándose de pintar les parées de la Capiella Sistina xunto a un piñu grandes mayestros. El so taller florentín nun paraba de recibir encargos añu tres añu, hasta que la entrada del nuevu sieglu traxo cambios d’estilu a los que nun pudo adautase, como otros grandes del momentu y finalmente foi superáu por otros artistes consolidaos como Da Vinci. Los sos caberos trabayos féxolos na so rexón natal, llugar onde morriere a causa de la peste. Detacar que’l so pupilu más famosu conocémoslu col nome de Rafael (moneda nel 2020).

 

     El Vaticanu tamién –y dedica a Perugino una moneda de dos euros esti añu 2023.

 

 

 

    Nel intre la moneda apaez un detalle de la so obra Virxe col Neñu ente San Xuan Bautista y San Sebastián. A manzorga, el so nomatu  y los años de la efeméride PERUGINO 1523-2023 (ésti caberu ye tamién el d’acuñación de la moneda) y la marca de la ceca R. A mandrecha, el nome del país emisor, SAN MARINO y la marca de la diseñadora Maria Angela Cassol, MAC.

      Nel aniellu esterior, les doce estrelles de la Xunión europea.

 

     Fontes: Wikipedia. Pietro Perugino (castellán)

                  Numismática visual (castellán)

                  Collectorcoins