2023: 225 aniversariu de l’arribada de los franceses a Malta

 

Semeya: numismática visual

Motivu conmemorativu: 225 aniversariu de l’arribada de los franceses a Malta

Tirada: 80.500           Fecha d’emisión: Setiembre

 

     En 1798, una flota de l’armada francesa arribó a los puertos malteses cargada de soldaos que se dirixíen haza Exiptu y dirixíos por un rellumante xeneral nomáu napoleón Bonaparte. Per aquellos tiempos los malteses vivíen nun estáu práuticamente feudal, baxo´l control de la Orde militar de los Caballeros Hospitalarios o de Malta, sofitaos por una alta aristocracia de llongos raigaños na islla y, como non, pol estamentu eclesial. L’arribada de los franceses, foi bien acoyida, ensin embargu, pol pueblu, fartu ya de los privilexos y abusos de los sos rexentes. Napoleón decidió quedase na islla y tomar el so control ensin oposición nenguna de los Caballeros, pues éstos nun teníen permitío, por xuramentu, lluchar escontra ningún país cristianu. Bien luego escomencipiaron les reformes del nuevu Gobiernu y bien luego los bienllegaos foron refuaos por tolos llugareños: les reformes, basaes nos principios de la Revolución francesa, foron consideraos demasiao estremos pa una sociedá, a la fin, fonderamente enraigá na doctrina cristiana y los preceptos católicos. Les tropes franceses abellugáronse nes fortaleces de la islla, aguantando l’alzada popular hasta 1800, añu nel qu’una flota de guerra británica bloqueó tolos accesos y provocó la rendición de les fuercies d’ocupación. Colaron los franceses, sí, pero quedáronse los ingleses, faciendo de Malta un Protectoráu británicu que duró sieglu y mediu.

     Nel intre la moneda, apaez  una personificación de la República francesa, propia de los membretes oficiales de la época.  Alredor, la lleenda 225 ANNIVERSARY ARRIVAL OF THE FRENCH IN MALTA. Pel intre apaecen los años conmemorativos 1798-2023 coles pallabres Liberté Egalité. Sol diseñu apaez l’añu emisión 2023 y les iniciales del diseñador, Noel Galea Bason, NBG.

     Nel aniellu esterior les doce estrelles de la Xunión Europea.

 

     Fonte: Wikipedia: Malta

                Numismáticavisual (castellán)

                es.numista.com (castellán)