 |
|
Semeya: collectorcoins |
Motivu conmemorativu: 175 aniversariu de la Constitución
de la Paulskirche
Volume d’emisión: 30.000.000 Fecha d’emisión: 21 de marzu
Paulskirchenverfassung
o Constitución de la Paulkirche (esto
ye, de la Ilesia de San Pablu), tamién conocía como Constitución de Francfort,
por ser el llugar onde s’asitia la ilesia, realmente llebava’l títulu de Verfassung des Deutschen Reiches, o
seya, Constitución del Imperiu alemán. Foi un primer intentu de facer una
Constitución pa un imperiu alemán xuníu y heriede de la ya fundada
Confederación xermánica y foi aprobada, polo xusto, el 27 marzu de 1849,
entrando en vigor al día siguiente. De
iure, nacía un inperiu alemán xuníu, pero de facto, dellos príncipes refugaron ceder parte de la so
soberanía, polo qu’esti primer intentu frayó al cabo d’un añu. Como curiosidá,
detacar que foi la primer vez n’emplegar la enseña actual d’Alemaña (la bandera
prieta, colorá y mariella) de manera oficial pola recién formada (y escasa)
flota imperial durante la batalla de Heligoland de 1849 escontra la real armada
danesa (la batalla finó en tables ya ensin baxes pelos dos llaos).
Nel intre apaez un entramáu d’imáxenes que vienen a representar, nun primer planu, a los Representantes entrando na ilesia San Pablu, onde ondéen dos banderes nel so campanariu. Tres l’ábside apaecen papel y una pluma, simbolizando’l documentu constitucional y el trabayu de los parlamentarios. Fina’l diseñu con les allegoríes de la Xunidá, la Xusticia y la Llibertá (llema d’anguañu de la República Federal d’Alemaña). Lleenda: PAULSKIRCHENVERFASSUNG 1849. Na base la ilesia apaez l’añu emisión 2024 y la lletra identificativa del país D, ta sol pie de la xusticia. Onde la pluma, la marca de la ceca y baxu l’ábdide, el monograma del grabador Brodo Broschat.
Nel aniellu esterior, les doce estrelles de la Xunión europea.
Fontes: Wikipedia. Constitución de Fráncfort de 1849 (castellán)
Numismática visual (castellán)
No hay comentarios:
Publicar un comentario