2023: Fiestes del solsticiu de branu

 

Semeya: Collectorcoins

Motivu conmemorativu: Fiestes del fueu del solsticiu de branu

Volume d’emisión: 70.000         Fecha d’emisión: 4^u trimestre

 

     Les Falles del Pirinéu son unes fiestes, alrodiu del fueu, que se cellebren nuna bayura pueblos de tala zona, tanto na parte española como na francesa y na mesma Andorra durante’l solsticiu de branu, per San Xuan. Ye Patrimoniu de la Humanidá dende’l 2015. Básicamente, una falla ye una antorcha encesa que baxen los mozos del llugar dende les zones altes de los valles y coles que van prendiendo delles fogueres. Al paecer, el so orixe pue tar nel emplegu del fueu como mediu de comunicación n’esta zona tan montañosa. Llueu, ca pueblu tién les sos peculiaridaes festives, nel casu Andorra, hai un personaxe principal de les fiestes nomáu fallaire y que va enfundáu nuna capa protectora; la so falla ye una corteza bedúl encesa y que fae xirar a gran velocidá dexando esteles circulares chisposes de prestosa vista.

 

     Nel intre la moneda apaez la figura del fallaire xirando la corteza bedul; el sol, simboliza’l solsticiu. Entemediu, l’añu acuñación 2023 y el nome del país emisor ANDORRA. La moneda foi acuñada pola Monnaie de Paris.

 

     Nel aniellu esterior, les doce estrelles de la Xunión europea.

 

Fontes: Wikipedia. Falles del Pirinéu

              Les falles d’Andorra (castellán)

              Numismática visual (castellán)