 |
|
Semeya: numismática visual |
Motivu conmemorativu: 550 aniversariu del nacimientu de Colás Copérnico
Tirada: 90.500 Fecha d’emisión: Setiembre
Colás Copérnico (1473-1543) matemáticu, astrónomu, médicu, eruditu clásicu, traductor, gobernador, diplomáticu y economista. Nació en Toruń, Reinu de Polonia, nel senu d’una familia adinerada polaca, con contautos nes altes esferes eclesiales y na mesma corte. Gracies a ello tuvo una educación bien seleuta, doctorándose de la so bayura especialidaes, non solo na Universidá de Cracovia, sinon en delles universidaes de la Península Itálica. El so inclín haza l’humanismu, fexo que tornare al llatín dellos poemes clásicos griegos ya formulare delles teoríes económiques. Ensin embargu, pasaría a la historia gracies a la so pasión pola astronomía, que lu fadría estudiar, dende bien luego, tolos trataos clásicos d’astrónomos griegos y posteriores, pa llueu sacar les sos propies conclusiones. La so obra cume, De revolutionibus orbium coelestium (Sobre les revoluciones de les esferes celestes) desarrolla la idega del heliocentrismu (el Sol ta nel centru y los planetes xiren alreor) frente al clásicu modelu ptolemaicu que defendía la centralidá de la Tierra. Espublizáu por primer vegada el mesmu añu del so fallecimiento, revolucionó práuticamente a tola comunidá científica ya eclesial del momentu, con partidarios y detractores de les sos teoríes, que col pasu del tiempu, diben ser reforzaes por Galileo Galilei ya Isaac Newton.
Nel intre la moneda, apaez una imaxe de Copérnico sobre un sistema solar basáu na so teoría helicoidal. Alredor, el nome llatinu del homenaxeáu NICOLAUS COPERNICUS colos años de nacencia y muerte 1473-1543. Per baxo apaez el nome del país emisor y l’añu emisión MALTA 2023 y l’apellíu de la diseñadora Daniela FUSCO.
Nel aniellu esterior les doce estrelles de la Xunión Europea.
Fonte: Wikipedia: Colás Copérnico
Numismáticavisual (castellán)
es.numista.com (castellán)
No hay comentarios:
Publicar un comentario