Parecen
robustes, pero nun lo son. Les monedes tamién sufren el pasu del
tiempu y l’aición del mediu que les arrodia. De man, el so
principal enemigu ye la so composición: tan feches de metal, polo
que tan espuestes al ferruñu y la corrosión. Conocer dellos de los
riesgos pue ayudar na conservación, non solo d’una moneda y evitar
asina intervenciones posteriores agresives y poco eficaces, sinon
d’una colleición prestosa que podría devaluase (económica y
sentimentalmente) a causa del desaniciu de dalguna de les pieces que
la formen. Esti ye un llistáu de los axentes más peligrosos pa les
nueses monedes.
8/11/18
Colleicionar monedes
Hai un gran erru n’esti
mundillu de confundir colleicionista de monedes con numismáticu,
dalgo que tol mundiu diz asina a lo xole. La numismática ye una
ciencia, una estaya de la historia y l’arqueoloxía dedicada al
estudiu del pasáu a traviés de les monedes. Un colleicionista, a
priori, ye eso, un atropador con una afición. Ello nun quita q’un
mumismáticu tenga (y tién) una escelente colleición de monedes, o
q’un colleicionista termine siendo, a lo menos, un aficionáu a la
numismática.
Guía del colleicionista
1. Colleicionar monedes. Euros, pesetes, moneda estranxera... Préstamos esti mundín pero nun sabemos per onde entamar. Equí alcontrarás una pequeña guía p'ayudate a ú empobinar los tos pasos.
2. Axentes peligrosos pa les monedes. Parecen robustes, pero nun lo son. Les monedes tamién sufren el pasu del tiempu y l'aición del mediu que les arrodia.
3. Clasificación de monedes na so conservación. L'estáu de conservación d'una moneda, la so rareza... oblíguenmos a clasificales a traviés d'unes tables estipulaes y asina saber si paga la pena caltenela nuna colleición ya inclusu facer un cálculu del so valor nel mercáu.
26/10/18
Les estayes del maravedí
La
vida d’esta moneda ye bien llonxeva; nació allá pel sieglu XII
nos reinos de Llión, Castiella y Portugal y foi desmonetizada
dafechu en 1848, durante’l reináu d’Isabel II. El so entamu foi
gloriosu, ya que nació fechu d’oru. Col pasu del tiempu dexose
d’acuñar, siendo sustituyíu por nueves monedes y pasó a ser
moneda de cuenta, pa llueu,colos Reis Católicos, aparecer de nuevu
como moneda de vellón (plata y cobre) y finar los sos díes como
puxarra cobre. 700 años d’hestoria que bien merecen un bon
reportaxe.
6/9/18
Moneda acrimontese/agramuntesa (La ceca d’Agramunt)
Conozse
con esti nomatu a tou tipu de moneda que s’acuñó na localidá
d’Agramunt dende’l sieglu XIII y hasta’l XVII.
El
conceyu d’Agramunt ta asitiáu na comarca d’Urgell, na provincia
de Lleida, Catalunya. Foi conquistáu pol conde d’Urgell Armengol
IV allá pel 1076, pasando asina a formar parte del so territoriu. En
1163 Armengol VII otorgó-y la Carta Pola y en 1164 naz la ceca.
Hasta 1314 foi capital del condáu. Dafechu, Urgell foi ún de los
condaos más poderosos de Catalunya xunto col de Barcelona.
27/4/18
Conceyu de Xàbia/Jávea
20/4/18
Conceyu de Trebujena
Trebujena ye un conceyu asitiáu na provincia de Cádiz. Conocíu ya dende
tiempos remotos, pasó a la historia pola so identidá marcadamente republicana,
lo que fexo que durante la Guerra Civil ufriera unes represiones descomanaes. A
pesar de tener viñedos y facer vinos, la so principal fonte llaboral ye del
tipu sanitariu, gracies al llabor fechu pola Cruz Bermeya a traviés de cursos
formativos pala población.
13/4/18
Conceyu de Moguer
Moguer ye un conceyu asitiáu na provincia
Huelva, Andalucía. Conocíu dende bien antíguo, foi residencia de romanos,
musulmanes y cristianos sobremanera pola so salida a la mar (del so puertu
salieron los minerales de Riotinto, asina como que foi’l llugar aú los hermanos
Niño mandaron fabricar y equipar hasta con mariñanes una de les carabeles de
Colón, la Niña).
22/3/18
Conceyu de La Puebla de Cazalla
Conceyu sevillanu que fai
llende, ente otros conceyos, col de Marchena, el del famosu real, poro, a pesar d’emitir el so
propiu numerariu, tamién foi “invadíu” por esti vale-ficha de la gaseosa. Hai
sospeches fundaes que les monedes oficiales d’esti conceyu, dos tipos pa
valores de 10 y 25 céntimos, foron feches na Fábrica de Artículos Troquelados de D. Moises Jiménez, de Sevilla,
la mesma fábrica qu’acuñare les monedes d’Arahal. N’esti casu el diseñu foi un
pocu más ellaboráu, ya que se troquelaron les dos cares del cospel de latón.
Nel anversu aparez el nome del conceyu y la lleenda CURSO INTERIOR faciendo una
circunferencia qu’allenda’l símbolu de La Falanxe Española, un xugu con unes
fleches y la lleenda AÑO DE LA VICTORIA. Nel reversu troquelose’l valor facial
de la moneda. Aunque nun esisten cifres oficiales, dellos catálogos
numismáticos afirmen que s’acuñaron 1500 pieces de 10 céntimos y 5000 de 25.
Conceyu de Marchena
Marchena asítiase na
provincia de Sevilla. Tién un interesante conxuntu patrimonial históricu
artísticu y la so actividá indusrial va dende’l campu a la manufactura.
16/3/18
9/3/18
2/3/18
Conceyu de Lora del Río
Conceyu asitiáu na
provincia Sevilla, dientro del Valle del Guadalquivir. Pequeñu conceyu con un ricu
historial y un pasáu productivu anguañu desaniciáu.
Una sola moneda de 25 céntimos s’acuñó en Lora
del Río. Debieron d’acuñase una gran cantidá d’elles, ya que como siempre, les
poblaciones de la derrolada atropábenles pa usu propiu. Sábese tamién
qu’anguañu son bien escases debío a que’l propiu ayuntamientu les apañare de
nuevu y les vendiere a un puxarreru qu’a la fin les fundió pa recuperar el material
de que taben feches, latón. Ye por ello que nun ye un res raro atopar falsificaciones.
Conceyu de Cazalla de la Sierra
Conceyu asitiáu al norte
la provincia Sevilla, dientro del Parque Natural de la Sierra Norte de Sevilla.
Pequeñu conceyu con un gran historial qu’inclúi l’haber sio capital efímera del
Reinu d’España al convocar ellí a les Cortes el rei Felipe V.
Una sola moneda de 10 céntimos, pero con
una bayura variantes, ye lo que s’acuñó en Cazalla. La causa principal foi la
gran cantidá de monedes emitíes por esti conceyu. Nel Acta de la Sesión
Ordinaria del 18 d’agostu de 1939, indícase la carencia de numerariu y
l’aprovación por unanimidá de facer una cantidá d’unes 30.000 pieces que tuvo
qu’ampliase a otres 15.000 más, debío sobre too a que los pueblos de la
derrolada tamién les emplegaron nes sos transacciones mercantiles locales. El
material emplegáu foi latón. El so preciu pelos mercaos numismáticos anda ente
los 300 y 600 euros, según el so grau de conservación; poro, nun ye un res raro
atopar falsificaciones.
23/2/18
20/2/18
16/2/18
7/2/18
6/2/18
2/2/18
19/1/18
2 euros conmemmorativos d'Andorra
Nel 2014 entama Andorra a emitir euros propios y nel mesmu añu entama a acuñar euros conmemorativos, y como taba aprobada la llei que permitía acuñar dos monedes al añu, pues asina lo fexo dende'l 2015.
Como nun tién ceca propia, encarga les sos acuñaciones a la Monnaie de Paris, Francia y a la Fábrica Nacional de Moneda y Timbre-Real Casa de la Moneda d'España (FNMT-RCM). Los españoles acuñen nos años pares y los franceses nos nones.
Como nun tién ceca propia, encarga les sos acuñaciones a la Monnaie de Paris, Francia y a la Fábrica Nacional de Moneda y Timbre-Real Casa de la Moneda d'España (FNMT-RCM). Los españoles acuñen nos años pares y los franceses nos nones.
Nel cantu caltién el mesmu grabáu que nes tipu de 2 euros:
Marques oficiales nes monedes
La identificación del país emisor ye’l so nome:
Nome país emisor | ANDORRA |
18/1/18
Agnus Dei
12/1/18
Llistáu de monedes (nomes y nomatos)
A
Acrimontese/Agramuntesa, Agnus Dei, Aigla, Alfonsí, Alfonsín/-ina, Amadéu, Antoninianu, Ardite/Ardit, Arienzo, As,
Aurelianu, Áureu
Suscribirse a:
Entradas (Atom)