Motivu conmemorativu: 2017 Añu Internacional del Turismu
Sostenible
Tirada: 70.500 Fecha d’emisión: 31 d’agostu
L’Aconceyamientu Xeneral de les Naciones
Xunies aprobó l’adopción del 2017 como
Añu Internacional del Turismu Sostenible pal Desarrollu. Entiéndese por
turismu sostenible un tipu de viaxes que respeten el planeta, nun camuden
l’entornu natural, social y artísticu y nun anulen el desarrollu d’actividaes
sociales y económiques, talamente opuestu al turismu de mases.
La República de Sanmarín quixo con esta
moneda promover un cambéu de mentalidá y animar a los turistes a respetar el
mediu ambiente.
Nel intre la moneda aparez un globu
terráquiu arrodiáu por foles. Ente les foles de la mandrecha aparez una lletra
A dientro d’un círculu, ye la marca del diseñador de la moneda, el canadiense
Andrew Lewis. Alredor del diseñu, aparez la lleenda TURISMO SOSTENIBILE y el
nome del país emisor SAN MARINO xunto col añu d’emisión 2017. A mandrecha vense
les iniciales de la grabadora Uliana Pernazza y la sempiterna abreviatura de
INCIDIT (o INCISORE) UP INC. A manzorga aparez la R de la ceca de Roma.
Nel aniellu
esterior, les doce estrelles de
la Xunión Europea.
No hay comentarios:
Publicar un comentario