2016: Añu Santu de la Misericordia

Motivu conmemorativu: Xubiléu o Añu Santu de la Misericordia

Tirada: 105.000              Fecha d’emisión: 13 d’ochobre

     El Xubiléu de la Misericordia, tamién conocíu col nomatu d’Añu de la Misericordia, cellebrose durante l’Añu Santu Estraordinariu, qu’entamó l’8 d’avientu de 2015 y finó’l 20 payares de 2016, con motivu de la conmemoración del quincuaxésimu aniversariu de la clausura del Conciliu Vaticanu II, afondar na so implantación y asitiar nun llugar central la Divina Misericordia, col fortalecimientu de la Confesión.

     Nel intre aparez Samartín de Tours compartiendo la so capa con un probe. Alredor de la figura, en semicírculu, aparez la lleenda GIUBILEO DELLA MISERICORDIA, seguío del nome del país emisor CITTA’ DEL VATICANO. A mandrecha figura l’añu d’emisión 2016. Abaxo aparez la marca de la ceca de Roma, R y el nome de la diseñadora Mariangela Crisciotti (M. CRISCIOTTI).

     Nel aniellu esterior, les doce estrelles de la Xunión Europea.