1 peseta (1989-2001)

 

Aleación: Aluminiu

             Ceca: Madrid             Marca: 
     Pesu: 0,55 gr             Módulu: 14,00 mm

Amadéu

      Con esti nomatu conozse a la pieza de 5 pesetes de plata acuñada durante'l reiná d'Amadéu I de Saboya (1870-1873). Al ser un reináu de lo más efímero, nun dio tiempu a diseñar toa una serie de monedes, tanto en pesetes como en céntimos, y "presentar en sociedá" al nuevu rei. Les acuñaciones d'oru, en valores de veinticinco y cien pesetes, nun pasaron de ser meres prebes. Y en plata tan solo apaeció el duru, les cinco pesetes, moneda emblemática por ser la sucesora del míticu real d'a ocho, primer divisa internacional del mundu, práuticamente dende los tiempos de Carlos I (1516-1558). 

200 pesetes (1986-1988)

 

100 Pesetes (1982-1990)

 

50 pesetes (1982-1984)

 

25 pesetes (1982-1984)

 

Diez pesetes (1983-1985)

Cinco pesetes (1982-1989)

 

Dos pesetes (1982-1984)

 

Una peseta (1982-1989)

 

10 pesetes 1993: Miró

 

La Catalunya napoleónica

 

     Catalunya siempres foi platu aparte; perteneciente a España y cobiciada por Francia, foi’l primer territoriou peninsular en ser ocupáu y el caberu en ser lliberáu. Napoleón Bonaparte naguaba por recuperar les vieyes llendes carolinxes na Península Ibérica. Poro y según los alcuerdos de Bayona roblaos en mayu de 1808, l’emperador reservábase pa so, el control direutu, dende París, de los territorios al norte del ríu Ebro, dende Guipuzkoa a Catalunya. Esto nun –y prestó un res al so hermanu y futuru rei Xosé I d’España, el cual exisía reinar nuna España coles sos llendes tradicionales. Napoleón, que facía lo que-y daba en gana, nomó Gobernadores pa Guipuzkoa, Nafarroa, Aragón y Catalunya, dexando bien nidio que solo rendiríen cuentes ante elli, de mou confidencial, y que los impuestos cobraos diríen direutamente a les arques de los exércitos d’ocupación. No referente a Catalunya, asignose el so Gobiernu al mariscal Augereau, que venía ya con una serie premises dictaes pol emperador: crear una alministración provisional, xuplir la enseña española pola catalana y la francesa, declarar oficial la llingua catalana, vetar toa intromisión del rei d’España (Xosé I) y los sos ministros na zona (lo cual nun foi dificultoso, ya que les comunicaciones ente Barcelona y Madrid taben frañaes dende l’entamu la invasión) y encarrilar el braeru proyeutu imperial de “obrar cola idega que quiero xuntar esta provincia a Francia”. P’Angereau los catalanes yeren “los franceses d’España” polo qu’empapó la so xestión d’un catalanismu cuasi nacionaliegu (Patria catalana, actes del Ayuntamientu en catalán, lo mesmo que’l “Diario de Barcelona” que pasó a ser “Diari de Barcelona”). Esti catalanisnu duró bien poco, pues Augereau foi xuplíu pol mariscal Macdonald, el cual recuperó el castellán como llingua vehicular xunto col francés y se centró na tema militar y de la loxística, cola fin d’ocupar tol territoriu catalán, afrancesalu y facilitar asina la so anexón a Francia. En marzu de 1810 Angereau entraba en Barcelona y meses más tarde yera xuplíu por Macdonald, en 1811 dábase por concluida la ocupación de Catalunya (les sos capitales, porque la zona rural yera incotrolable) y en 1812 dábense los primeros pasos pa l’anexón francesa, cola dixebra del territorio en cuatro Departamentos y delles modificaciones alministratives. A partir del 1813, les coses tornáronse pa los franceses; n’agostu d’esi añu, un exércitu anglo-español recuperaba Tarragona y sitiaba Barcelona, que nun cayó hasta’l 28 mayu de 1814 (depués de la primer abdicación de Napoleón, n’abril y dos selmanes depués de la llegada de Fernandu VII a Madrid). Foi la cabera plaza en ser abandonada pol exércitu francés.

Cadete

     Conozse con esti nomatu a la cuarta serie de monedes emitíes a títulu del rei Alfonsu XIII. En 1903, el rei cumplía 17 años y finaba la rexencia de so má, la reina Mª Cristina, que -y trespasaba tolos poderes. El grabador Bartolomé Maura, diseñó el nuevu bustu real con uniforme de cadete. 

     No referente a les monedes acuñaes, ye de detacar que n'esta serie s'acuñen les primeres pieces de cobre, con valor d'1 y 2 céntimos, con bustu real, ya que dende 1870 nun s'acuñaren más (ello foi a causa de la bayura monedes d'esti valor que circulaben pel país, dafechu, esistía una llei de 1881 que nun permitía nueves acuñaciones n'estos valores) Poro, lo que se fexo foi recoyer les pieces gastaes, fundiles y sacar les nueves. Les monedes d'oru van desapareciendo de la circulación; acúñense unes 3.814 pieces con valor de 20 pesetes y ya nun se fain más de 100 pesetes. Acúñense entós pieces d'1, 2 y 50 cénimos y d'1, 2 y 20 pesetes.

20 pesetes del Cadete

Tupé

      Conózse asina en numismática a la tercer serie de monedes emitíes durante'l reináu d'Alfonsu XIII. En xunu de 1895, saldría'l Real Decretu qu'aprobare el nuevu cambiu del bustu real, un neñu de diez años con un flequillín a lo xole (d'aú-y vien el nomatu). L'encargu diba executalu'l nuevu grabador xeneral de la Casa la Moneda D. Bartolomé Saura Montaner.

     Acuñaranse n'esta serie monedes con valores de 50 céntimos y 1, 5, 20 y 100 pesetes. Mesmamente, diba ser el bustu escoyíu pa les últimes monedes acuñaes nes colonies españoles de Filipines y Puertu Ricu (centavos y pesos) colonies qu'algamaríen la so independencia, xunto con Cuba, en 1898.

Bucles

           Conozse asina, en numismática, a la segunda serie de monedes del rei Alfonsu XIII. En 1891, el grabador Gregorio Sellán fai un nuevu diseñu pal anversu les monedes tomando como modelu a un xoven rei de seis años rizosín, gordín y sanu como un coral. Precisamente diben ser esos rizos los causantes del so nomatu. 

     Acuñáronse monedes con valores de 50 céntimos y 1, 2, 5 y 20 pesetes

5 pesetes de la serie bucles

Pelón

      Tres la muerte del rei Alfonsu XII, el 25 payares de 1885, la so viuda, Mª Cristina d'Habsburgo asume la Rexencia. El 17 mayu de 1886, naz el so fíu póstumu Alfonsu XIII y dos años más tarde, émitense les primeres monedes col so bustu; efeutivamente, un bebé. Foi por ello que'l pueblu, amigu elli de pone-y nomatos a too, púnxo-y el de "pelón" a la primer serie del nuevu rei. El diseñu foi obra del grabador Gregorio Sellán, acuñándose en monedes de 50 céntimos y 1, 2, 5 y 20 pesetes.

Anversu cinco pesetes del "pelón"

10 Céntimos (Preba de 1870)

 

10 Céntimos (Preba de 1869)

 

Conceyu de Xàbia/Jávea

     El conceyu de Xàbia tá asitiáu na provincia Alacant. La pesca y l’agricultura son la base de la so economía xunto col puxante boom turísticu (más de la mitá de la población afincada na zona ye estranxero).

Conceyu de Trebujena

     Trebujena ye un conceyu asitiáu na provincia de Cádiz. Conocíu ya dende tiempos remotos, pasó a la historia pola so identidá marcadamente republicana, lo que fexo que durante la Guerra Civil ufriera unes represiones descomanaes. A pesar de tener viñedos y facer vinos, la so principal fonte llaboral ye del tipu sanitariu, gracies al llabor fechu pola Cruz Bermeya a traviés de cursos formativos pala población.