2017: Pafos Capital de la Cultura

Motivu conmemorativu: Pafos Capital Cultural Europea.

Tirada: 430.000                 Fecha d’emisión: Ochobre

     Pafos o Pafo (Πάφος en griegu; Baf en turcu) asítiase na costa suroeste de la islla de Xipre. Habitada ya dende’l Neolíticu, acueye una bayura restos arqueolóxicos que van dende los tiempos helénicos hasta Bizancio y les Cruzaes de Tierra Santa. Nun ye en baldre que seya Patrimoniu de la Humanidá dende 1980. Tién tamién el privilexu de ser el llugar de nacencia de la diosa Afrodita, según les lleendes antígües.

     Nel intre aparez l’antiguu odeón de Pafos, un pequeñu anfiteatru que data del sieglu II d.C. Anguañu emplégase en branu pa facer actuaciones musicales y teatrales, al estilu del de Mérida n’Estremaura. Alredor del diseñu aparez la lleenda  ΠAΦOΣ 2017-ΠOΛITIΣTIKH ΠPΩTEYOYΣA THΣ EYPΩΠHΣ (Pafos 2017-Capital Europea de la Cultura) 2017 ye tamién l’añu d’emisión. Fina’l círculu el nome del país emisor en griegu y en turcu ΚΥΠΡΟΣ KIBRIS.

     Nel aniellu esterior, les doce estrelles de la Xunión Europea.