2017: Universidá Istropolitana

Motivu conmemorativu: 550 Aniversariu de la Universidá Istropolitana

Tirada: 1.000.000               Fecha d’emisión: 9 xineru

     La Universidá Istropolitana en Pressburg (güei Bratislava), foi la segunda universidá fundada nel Reinu d’Hungría, y la primera no qu’anguaño ye Eslovaquia. Ya nun tá activa, pero la Universidá Comenius, abierta en 1919, considerase la so sucesora. La pallabra Istropolitana vién de Istrópolis (Ciudá del Danubiu) nome col que los griegos clásicos conocíen Bratislava.

     Nel intre la moneda aparez la figura d’un profesor con dos estudiantes sentaos ante la fachada del edificiu de la antigua Universidá. Na parte superior, a manzorga, vese un medallón del rei Matthias Corvinus, el fundador de la universidá; al so llau tá l’añu d’apertura de la mesma. Sol diseñu, el nome del país de emisión SLOVENSKO y l’añu d’emisión 2017. Alredor lleese la lleenda UNIVERZITA ISTROPOLITANA. La marca de la ceca de Kremnica y les iniciales de la diseñadora Mária Poldaufová, (MP), tán tres los estudiantes.

     Nel aniellu esterior les doce estrelles de la Xunión Europea.