2 euros conmemorativos lituanos

     Lituania ye la única república báltica que tien Casa de la Moneda (Lietuvos monetų kalykla) identificada poles iniciales LMK dientru d’un círculu; la so marca vien grabada nes monedes. Tamién puen venir grabaes les marques de los diseñadores. El cantu bien col grabáu de la moneda de dos euros tipu (Llibertá, Xunidá, Bientar) ente estrelles:

Marques oficiales nes monedes

Marques particulares (Privy marks) nes monedes

Llistáu de monedes conmemoratives (2015-2020)

2015: 30 Aniversariu de la Bandera Europea  (Tola euruzona)
2015:  Homenax al Idioma lituanu
2016: Homenax a la Cultura Báltica
2017: Vilnius capital de la Cultura y l'Arte
2018: Centenariu de la Creación de les tres Repúbliques Báltiques

2018: Serie Patrimoniu de la UNESCO: Cellebración de les Dances y Cancios lituanos

2019: Serie Rexones etnográfiques de Lituania: Zemaitija

2019: Serie Patrimoniu de la UNESCO: Sutartines (cancios polifónicos litanos)

2020: Serie Rexones etnográfiques de Lituania: Aukstaitija

2020: Serie Patrimoniu de la UNESCO: Monte de las Cruces 

 

 

Llistáu de monedes conmemoratives (2021-2030)

 

2021: Serie Patrimoniu de la UNESCO: Reserva de la Biosfera de Zuvintas

2021: Serie Rexones etnográfiques de Lituania: Dzukija

2022: 100 Aniversariu del baloncestu en Lituania

2022: Serie Rexones etnográfiques de Lituania: Suvalkija

2022: 35 Aniversariu del Programa Erasmus (Tola Eurozona)

2023: Sofitu de Lituania a Ucrania

2024: Serie Patrimoniu de la UNESCO: Sodais, xardinos de paya lituanos

2025: Defensa del Estáu lituanu 

2025: Serie Rexones etnográfiques de Lituania: Mazoji Lietuva 

 

 

 

2 euros conmemorativos letones

      Letonia nun tien Casa de la Moneda propia, polo que les sos monedes son acuñaes, normalmente, n’Alemaña, concretamente nes ceques d’Stuttgart y Karlsruhe (ensin marca), magar que la del 2018, dedicada a les tres Reúbliques báltiques, foi acuñada na ceca de Lituania y la del 2019, la del sol naciente, na de los Países Baxos. La marca identificativa del país emisor pue ser LV o LATVIJA. El cantu vien col mesmu grabáu que la de 2 euros tipu, una estrofa del Himnu Nacional (Dios bendiga a Letonia) ente estrelles.

2 euros conmemorativos irlandeses

      Véndese cara Éire a la hora acuñar monedes conmemoratives; tan solo les comunes col restu países de la XE. Hasta’l 2016, nun sacó la so primer acuñación. Tién la so propia Casa de la Moneda asitiada en Sandyford. La única marca identificativa nes monedes ye la del nome del país emisor en gaélicu, llingua nacional d’Irlanda. El cantu lleva’l mesmu grabáu que la de dos euros tipu.

2 euros conmemorativos estonios

     Estonia acuña les sos monedes na Casa la moneda de Vantaa (Finlandia) a esceición de la del 2018 que sacó xunto a les otres dos Repúbliques Báltiques y qu’acuñó la ceca de Lituania. L’únicu identificativu qu’apaez ye’l nome del país emisor. El cantu vién grabáu igual que la de dos euros tipu:

 

 

2 euros conmemorativos portugueses

     La marca de la ceca de Lisboa INCM (Impresa Nacional, Casa da Moeda) apaez grabada n’estes monedes, asina como la de los diseñadores. A partir del 2020 la marca de ceca pasa a ser CASA DA MOEDA. El cantu ta grabáu como’l de la moneda de dos euros tipu, con siete castiellos y cinco escudos d’armes:

2 euros conmemorativos neerlandeses

     La efixe del monarca neerlandés tien d’apaecer en toles monedes, polo que les conmemoratives nun diben ser menos (sálvense les conmemoratives comunes de la Xunión europea, el Parllamentu hebo d’aprobar una llei pa tala esceición). Dafechu, la identificación del país emisor ye’l títulu del so monarca: KONINGIN DER NEDERLANDEN (reina de los neerlandeses) o KONING DER NEDERLANDEN (pal rei). La marca de la ceca d’Utrech y la del so direutor apaecen tamién n’estes acuñaciones. El cantu vien grabáu mesmamente que’l de la moneda de dos euros tipu cola lleenda "Dios seya con nos".

2 euros conmemorativos luxemburgueses

     Según les lleis luxemburgueses, toles monedes que s’emitan nel país han de llevar grabada la efixe del gran duque. Les monedes conmemoratives nun diben ser menos, polo que’l diseñador ha d’integrar al gran duque como puea. La ceca habitual ye la d’Utrech (Paises Baxos) cola consiguiente marca de ceca y direutor de la mesma, salvo les monedes del 2005 y 2006, que foron acuñaes en Vantaa (Finlandia) cola so marca de ceca ya inicial del país acuñador, y les del 2007 y 2008, acuñaes en Pessac (Francia) cola so marca de ceca y la del direutor de la mesma. A partir del 2018, les marques nes monedes varíen según el destín de la moneda. Pa les de circulación y UNC pasen a ser el llión luxemburgués y la marca de la ceca d’Utrech; nes acuñaes específicamente pa colleicionistes, BU o PROOF, apaecen la marca de la ceca d’Utrech y la del so direutor. El cantu vien grabáu como’l de la moneda de dos euros tipu: