2025: Serie Rexones Etnográfiques Lituanes: Lituania Menor

 

Semeya: collectorcoin

 

Motivu conmemorativu: Rexones etnográfiques de Lituania: Mažoji Lietuva

Volume d’emisión: 500.000         Fecha d’emisión: 4^u trimestre

 

    Recordatoriu: Lituania apúntase tamién a la bona idega d’homenaxear les sos rexones como anda faciendo Alemaña o la so vecina Letonia. Ensin embargu, el casu lituanu tién daqué especial, ya que les llendes d’estes rexones ye de lo más impreciso; nun conformen unidaes alministratives nin polítiques al estilu de, por exemplu, les Comunidaes Autónomes o les provincies del Estáu español, sinon que se rixen por aspeutos históricos y etnográficos del tipu tradiciones, estilu de vida local, cancioneru, cuentos ya inclusu la fala del territoriu (ésta última non tan rigurosa).

 

     Hai cinco rexones lituanes, poro, vamos ver cinco monedes conmemoratives del fechu.

    Tres les rexones de Žemaitija, Aukštaitija, Dzūkija y Suvalkija tóca-y esta vegada a la de Mažoji Lietuva (Lituania Menor). Asítiase al sur-suroeste del país, na so zona costera y entra tamién, como rexón cultural, en territorios de Rusia (Kaliningáu) y Polonia. Dafechu, d’esta rexón nun queda más q’una llínia costera dientro les llendes lituanes; la mayor parte del territoriu quedó en manes ruses y los sos habitantes primixenos foron  espulsaos.  Y nin dientro Lituania tan les coses clares con esta rexón, ya que los sos habitantes d’anguañu son d’orixe estranxeru, tres l’aniquilación y deportación de los oriundos durante la Segunda Guerra Mundial. Ello fai que’l propiu gobiernu lituanu sopese desaniciala y axuntala con Žemaitija. Klaipėda ye la la ciudá más importante de la rexón.

 

     Nel intre la moneda apaez l’escudu identificativu de la rexón, un alce armáu y baxo una estrella, asemeyando un focu lluz y llindiáu por dos barcos pesqueros amarraos al pantalán; fina con una estola y la lleenda SPINDULYS ESMI BEGALINĖS ŠVIESOS (Un rayu de lluz infinito). Riba, el nome del país emisor LIETUVA; baxo, el nome de la rexón homenaxeada MAŽOJI LIETUVA. A dambos dos llaos del escudu, l’añu emisión 2025 y la marca de la ceca.

 

     Nel aniellu esterior, les doce estrelles de la Xunión europea.

 

     Fontes: Wikipedia: Regiones de Lituania. Lituania Menor (castellán)

                   Numismática visual (castellán)