2022: Serie Rexones Etnográfiques Lituanes: Suvalkija

 

Semeya: collectorcoin

Motivu conmemorativu: Rexones etnográfiques de Lituania: Suvalkija

Volume d’emisión: 500.000         Fecha d’emisión: 20 d’avientu

 

    Recordatoriu: Lituania apúntase tamién a la bona idega d’homenaxear les sos rexones como anda faciendo Alemaña o la so vecina Letonia. Ensin embargu, el casu lituanu tién daqué especial, ya que les llendes d’estes rexones ye de lo más impreciso; nun conformen unidaes alministratives nin polítiques al estilu de, por exemplu, les Comunidaes Autónomes o les provincies del Estáu español, sinon que se rixen por aspeutos históricos y etnográficos del tipu tradiciones, estilu de vida local, cancioneru, cuentos ya inclusu la fala del territoriu (ésta última non tan rigurosa).

 

     Hai cinco rexones lituanes, poro, vamos ver cinco monedes conmemoratives del fechu.

 

     Tres les rexones de Žemaitija, Aukštaitija y Dzūkija, tóca-y esta vegada a la de Suvalkija o Sudovia. Asítiase al sur del país y entra tamién, como rexón cultural, en territoriu polacu, país col que Lituania tuvo los sos más y los sos menos por cuenta de controlar esta rexón. Ye la más pequeña de les cinco rexones y, braeramente, la de más recién constitución. La verdá ye que nin los propios lituanos se ponen d’alcuerdu a la hora definir la identidá de Suvalkija, nin nel orixe del nome. Marijampolė, ye la so capital non oficial y eso que la ciudá más poblá y popular ye la de Kaunas.

 

     Nel intre aparez l’escudu identificativu de la rexón, un toru gafu llindiáu por dos cañes de carbayu con bellotes; fina con una estola y la lleenda VIENYBĖ TEŽYDI (Que floreza la unidá). Riba, el nome del país emisor LIETUVA y l’añu emisión 2022; baxo, el nome de la rexón homenaxeá SUVALKIJA y la marca de la ceca.

 

     Nel aniellu esterior, les doce estrelles de la Xunión europea.

 

     Fontes: Wikipedia: Suvalkija (inglés)

                  Numismática visual (castellán)