2025: Serie ciudaes amurallaes de Malta: Mdina

 

Semeya: collectorcoin

Motivu conmemorativu: Serie patrimoniu de la Humanidá: ciudaes amurallaes de Malta: Mdina, islla de Malta 

Tirada: 152.000           Fecha d’emisión: Xunu

 

     Mdina asitiase nel intre de la islla de Malta. D’orixe feniciu, pasó por delles manes: romanos, musulmanes, normandos… que la foron engrandeciendo y dexando la so impronta hasta nes muralles. En 1530 pasó a manes de la Orde Militar de los Caballeros Hospitalarios de San Xuan d’Acre, embrión de la posterior Orde de los Caballeros de Malta. Foi capital del país hasta 1570 cuando foi xuplía por La Valetta. Tres el terremotu de 1693, bona parte de los sos edificios foron reconstruyíos n’estilu Barrocu. Detacar la imponente Sée-catedral dedicada a San Pablu, del que se diz que tuvo gospedáu na ciudá tres un naufraxu y la bayura de ricos palacios, la mayoría de los cualos son de titularidá privada, principalmente de families aristocrátiques.

     Nel intre la moneda, apaez una vista panorámica de la ciudá coles sos muries, palacios, torres y cúpula de la Sée cola lleenda MDINA. Abaxo, el nome del país emisor y l’añu d’acuñación, MALTA 2025. A mandrecha, apaecen les iniciales del diseñador Noel Galea Bason (NGB).

 

     Nel aniellu esterior les doce estrelles de la Xunión Europea.

 

     Fonte: Wikipedia: Mdina (castellán)