2025: Defensa

 

Semeya: collectorcoin

Motivu conmemorativu: Defensa del Estáu lituanu

Volume d’emisión: 1.000.000         Fecha d’emisión: 1^er trimestre

 

     Lituania asitiase nuna zona enguedeyosa ente Rusia (kaliningráu) y Bielorrusia (aliáu rusu) formando parte de la llende oriental tanto de la Xunión europea como de la OTAN. Tres la invasión d’Ucrania por parte de Rusia en 2022, Lituania incrementó el so gastu militar hasta’l 5,38 % del so PIB en 2026. La so fuercia terrestre cuenta con unos 23.000 efeutivos n’activu, aparte d’una amplia Reserva. Les fuercies aérees cuenten col respaldu de delles aeronaves d’otros países de la XE asina como una llínia de defensa antiaérea con misiles suecos y noruegos. Cuenta tamién con marina de guerra. La so cabera introducción a la defensa, ye una llínia fronteriza de contramovilidá formada por controles fronterizos, barreres y obstáculos anti carros de combate del tipu “dentame de dragón”, “porcuspín” y “caballu español o de Frisia”.

     Nel intre apaez la contorna de Lituania llindiá por piques puntiagudes a mou de caparazón de porcuspín. Nel centru, el nome del país emisor LIETUVA; col añu emisión 2025 y la marca de la ceca.

     Nel aniellu esterior, les doce estrelles de la Xunión europea.

 

     Fontes: Wikipedia: Fuerzas Armadas de Lituania (castellán)

                   Euronews: Línea de defensa del Báltico (castellán)

                   EMAD español (castellán)

                   Numismática visual (castellán)