2025: Serie Rexones Letones: Selonia

Semeya: collectorcoin

Motivu conmemorativu: Rexones Históriques y Culturales de Letonia: Sēlija

Tirada: 413.000              Fecha d’emisión: 9 d’ochobre

 

 

     Les rexones históriques de Letonia son territorios carauterizaos por un entornu cultural ya históricu únicu y que conforma la identidá común de los sos habitantes. La dixebra de Letonia en rexones ye enforma abegoso, ya que no que se refier a temes culturales, xeográficos y de llendes, suelen solapase de manera enguedeyada. Tres la independencia de 1991 y l’aprobación de la Constitución de 1993, el país quedó dixebráu en cuatro rexones históriques, Vidzeme, Latgale, Kurzeme y Zemgale. A partir de 2006, Riga, capital del país, conformó una quinta rexón con tierres de Vidzeme, Kurzeme y Zemgale.

 

 

   Dende’l 2021, les rexones históriques de Letonia nómense oficialmente Tierres Históriques de Letonia, añadiéndose una nueva rexón, la de Sēlija, con partes de les rexones de Latgale y Zemgale.

 

 

 

     Pa los llatinos, Selonia; conocía tamién como Augšzeme, Tierra Alta. Asitiase al sureste del país, adentrándose tamién en territoriu lituanu. El so nome deriva de los selonianos, grupu étnicu con llingua propia, güei desaniciada, salvo un par de subdialeutos. La verdá ye que ye un auténticu enguedeyu xebrar los territorios letones en rexones históriques, sobremanera porque tamién ta lligada a la de la so vecina Lituania, cola que tamién comparte rexistros llinguísticos y culturales, no que se refier a les sos rexones fronterices. Nomes de territorios pasaos como Livonia o Curlandia, ya mos dan una idega de los cambios fronterizos de los dixebros amos y señores de la zona, dende órdenes militares a nobles y reis, provenientes de los países dominantes de la contornera, Polonia, Alemaña, Rusia…

     L’escudu d’armes de Sēlija ye una variante del escudu de la rexón de Zemgale.

     Nel intre la moneda apaez l’escudu de la rexón histórica de Sēlija. No cimero alcuéntrase el nome del país emisor LATVIJA y, no fondero, el nome la rexón SĒLIJA. A mandrecha figura l’añu d’emisión 2025.

 

     Nel aniellu esterior les doce estrelles de la Xunión europea.

 

     Fontes: Wikipedia. Regiones históricas de Letonia. Selonia (castellán)