2023: Xuntos con Ucrania

 

Semeya: collectorcoin

 

Motivu conmemorativu: Sofitu de Lituania a Ucrania

Volume d’emisión: 500.000         Fecha d’emisión: 2^u trimestre

     Ucrania ye’l mayor productor d’aceite de xirasol d’Europa. Al entamu de la guerra escontra Rusia, los ucranianos emplegaron la so flor como símbolu de paz, dafechu, la primer ve que la emplegaron como tal, foi nel 1996, cuando plantaron un piñu d’ellos cerca d’una base militar. Anguañu, ya ye identificativa en tol mundu.

     Les rellaiciones ente Lituania y Ucrania vienen dende bien lloñe. A entamos de sieglu XIV gran parte del territoriu ucranianu formaba parte del Gran Ducáu de Lituania. Ente los sieglos XVI y XVIII dambos dos, xunto a Polonia, conformaron la Mancomunidá de Polonia-Lituania. En tiempos contemporáneos, los dos formaron parte del Imperiu rusu y lluéu de la URSS. Ya como países independientes, Lituania siempres foi vocera d’Ucrania nel so sofitu al ingresu de so na Xunión europea y la OTAN. Tres la invasión rusa del 2022, Lituania nun para d’asistir a Ucrania con medios materiales militares y económicos.

     Lituania llanza esta emisión en sofitu d’Ucrania a la par que Letonia. Nel 2022 Estonia ya fixere lo mesmo.

      Nel intre apaez un xirasol, a semeyanza d’un sol de riscar qu’allume un nuevu futuru. Los sos pétalos asemeyen xente xunío y abrazao, indicativu de que la xunión fai la fuercia. Los páxaros esnalando faen referencia a la llibertá y a les almes de los que sacrificaron la so vida pola so defensa. Alredor, l’añu acuñación y el nome del país emisor 2023 LIETUVA. A mandrecha, la marca de la ceca. Entemediu’l xirasol, la lleenda KARTU SU UKRAINA (xuntos con Ucrania). El diseñu ye obra del artista Eglė Žemaitė.

     Nel aniellu esterior, les doce estrelles de la Xunión europea.

 

     Fontes: Numismática visual (castellán)

                  Wikipedia: RelacionesLituania-Ucrania (castellán)