2024: Xuegos Olímpicos (5/5)

 

Semeya: collectorcoins

Motivu conmemorativu: Cellebración de los Xuegos Olímpicos y Paralímpicos en París nel añu 2024

Volume d’emisión: 24.000.000         Fecha d’emisión: Xunu

 

     Nel añu 2024 París acoyerá la XXXIII Olimpiada de branu de la era moderna. Ye la tercer vez que la faen tres les de los años 1900 y 1924. ¿Casualidá que se cumplan 100 años cola segunda vez? Pue ser; dafechu, la otra candidata, Los Ánxeles (EE XX), cedió a cambiu de facelos nel 2028. Por primer vez na historia los xuegos, el logu va ser el mesmu pa los olímpicos y los paralímpicos.

     Pa cellebrar esti fechu, la Monnaie de Paris va facer una mini colleición de cinco monedes, de les que les cuatro primeres y una parte de la quinta, van ser solo tiraes esclusives pa colleicionistes, a acuñar una per añu, 2021, 2022, 2023 y 2024 (que sedrán dos). Esta quinta, ye la que saldrá a circulación.

     Nel intre la moneda apaez la Torre Eiffel, representación de París, corriendo con una pista d’atletismu de fondu. La ilesia de la mandrecha, ye la basílica de Notre-Dame de la Garde en Marsella, ciudá onde van celebrase tamién delles prebes olímpiques. A manzorga vese una flor de Tiaré, identificativu de Tahití, onde van celebrase les prebes de surf. Al so llau, l’abreviatura del país emisor RF y l’añu acuñación. Ente les pates de la torre, el logu del eventu, la llama y los aros olímicos llindiando la lleenda PARIS 2024 y les marques de la ceca y el so Grabador Xeneral Joaquin Jimenez.

     Nel aniellu esterior, les doce estrelles de la Xunión europea.

 

     Como curiosidá, una semeyina de la moneda pintá, específica pa colleicionistes.

Fontes: Wikipedia: XX.OO. Paris 2024 (castellán)

              Numismática visual (castellán)