2022: Xuegos Olímpicos (2/5)

 

Semeya: collectorcoins

Motivu conmemorativu: Cellebración de los Xuegos Olímpicos en París nel añu 2024

Volume d’emisión: 260.000         Fecha d’emisión: Setiembre

 

 

    Nel añu 2024 París acoyerá la XXXIII Olimpiada de branu de la era moderna. Ye la tercer vez que la faen tres les de los años 1900 y 1924. ¿Casualidá que se cumplan 100 años cola segunda vez? Pue ser; dafechu, la otra candidata, Los Ánxeles (EE XX), cedió a cambiu de facelos nel 2028. Por primer vez na historia los xuegos, el logu va ser el mesmu pa los olímpicos y los paralímpicos.

     Pa cellebrar esti fechu, la Monnaie de Paris va facer una mini colleición de cinco monedes, de les que les cuatro primeres y una parte de la quinta, van ser solo tiraes esclusives pa colleicionistes, a acuñar una per añu. Ésta sedría la segunda tres la del 2021.

     Nel intre la moneda apaez el Xeniu aláu francés (otru símbolu nacional, como Marianne) preparáu pa llanzar un discu al estilu antíguu, n’alcordanza de los Xuegos d’antanu. Tres elli, otru monumentu nacional, l’Arcu del Triunfu superpuestu a una pista d’atletismu. A mandrecha vese’l logu de la efeméride, la llama y los aros olímicos llindiando la lleenda PARIS 2024. Dientro l’arcu, l’abreviatura del país emisor RF. Baxo, les marques de la ceca y el so Grabador Xeneral Joaquin Jimenez col añu d’acuñación 2022.

     Nel aniellu esterior, les doce estrelles de la Xunión europea.

 

     Fontes: Wikipedia: XX.OO. Paris 2024 (castellán)

                  Numismática visual (castellán)