2024: Xuegos Olímpicos (4/5)

 

Semeya: collectorcoins

Motivu conmemorativu: Cellebración de los Xuegos Olímpicos en París nel añu 2024. Llucha Olímpica

Volume d’emisión: 500.000         Fecha d’emisión: Febreru

 

Nel añu 2024 París acoyerá la XXXIII Olimpiada de branu de la era moderna. Ye la tercer vez que la faen tres les de los años 1900 y 1924. ¿Casualidá que se cumplan 100 años cola segunda vez? Pue ser; dafechu, la otra candidata, Los Ánxeles (EE XX), cedió a cambiu de facelos nel 2028. Por primer vez na historia los xuegos, el logu va ser el mesmu pa los olímpicos y los paralímpicos.

     Pa cellebrar esti fechu, la Monnaie de Paris va facer una mini colleición de cinco monedes, de les que les cuatro primeres y una parte de la quinta, van ser solo tiraes esclusives pa colleicionistes, a acuñar una per añu. Ésta sedría la cuarta tres la del 2021, 2022 y 2023.

     Nel intre la moneda apaecen Hércules y una de les famoses quimeres que coronen el teyáu de la ilesia de Notre-Dame de París en posición de llucha y superpuestos precisamente a la fachada de tala ilesia y a una pista d’atletismu. Ente les pates d’Hércules, apréciase’l logu del eventu, la llama y los aros olímicos llindiando la lleenda PARIS 2024, les marques de la ceca y el so Grabador Xeneral Joaquin Jimenez  y l’añu acuñación. A manzorga, l’abreviatura del país emisor RF.

     Nel aniellu esterior, les doce estrelles de la Xunión europea.

     Fontes: Wikipedia: XX.OO. Paris 2024 (castellán)

                  Numismática visual (castellán)