2023: Xuegos Olímpicos (3/5)

 

Semeya: collectorcoins

Motivu conmemorativu: Cellebración de los Xuegos Olímpicos en París nel añu 2024. Boxéu

Volume d’emisión: 260.000         Fecha d’emisión: 10 de xineru

 

    Nel añu 2024 París acoyerá la XXXIII Olimpiada de branu de la era moderna. Ye la tercer vez que la faen tres les de los años 1900 y 1924. ¿Casualidá que se cumplan 100 años cola segunda vez? Pue ser; dafechu, la otra candidata, Los Ánxeles (EE XX), cedió a cambiu de facelos nel 2028. Por primer vez na historia los xuegos, el logu va ser el mesmu pa los olímpicos y los paralímpicos.

     Pa cellebrar esti fechu, la Monnaie de Paris va facer una mini colleición de cinco monedes, de les que les cuatro primeres y una parte de la quinta, van ser solo tiraes esclusives pa colleicionistes, a acuñar una per añu. Ésta sedría la tercera tres la del 2021 y 2022.

     Nel intre la moneda apaez la semaora d’O. Roty (iconu dientro de la numismática francesa al apaecer nos vieyos francos y nos céntimos d’euru tipu franceses) como púxil n’aición. Tres elli, el Pont Neuf, que nun tién un res de nuevu, ya que ye’l más vieyu de París, superpuestu a una pista d’atletismu. A mandrecha vese l’añu acuñación 2023 y el logu de la efeméride, la llama y los aros olímicos llindiando la lleenda PARIS 2024. A manzorga, l’abreviatura del país emisor RF. Baxo, les marques de la ceca y el so Grabador Xeneral Joaquin Jimenez.

     Nel aniellu esterior, les doce estrelles de la Xunión europea.

 

     Fontes: Wikipedia: XXOO Paris 2024 (castellán)

                  Numismática visual (castellán)