22/3/18

Conceyu de La Puebla de Cazalla

     Conceyu sevillanu que fai llende, ente otros conceyos, col de Marchena, el del famosu real, poro, a pesar d’emitir el so propiu numerariu, tamién foi “invadíu” por esti vale-ficha de la gaseosa. Hai sospeches fundaes que les monedes oficiales d’esti conceyu, dos tipos pa valores de 10 y 25 céntimos, foron feches na Fábrica de Artículos Troquelados de D. Moises Jiménez, de Sevilla, la mesma fábrica qu’acuñare les monedes d’Arahal. N’esti casu el diseñu foi un pocu más ellaboráu, ya que se troquelaron les dos cares del cospel de latón. Nel anversu aparez el nome del conceyu y la lleenda CURSO INTERIOR faciendo una circunferencia qu’allenda’l símbolu de La Falanxe Española, un xugu con unes fleches y la lleenda AÑO DE LA VICTORIA. Nel reversu troquelose’l valor facial de la moneda. Aunque nun esisten cifres oficiales, dellos catálogos numismáticos afirmen que s’acuñaron 1500 pieces de 10 céntimos y 5000 de 25.








     10 céntimos










     25 céntimos



     Caberamente, delles d’estes monedes foron resellaes pal emplegu en dellos establecimientos del puebu, decatándose los resellos coles iniciales HB y JP (dafechu, investigaciones aseveren que les iniciales HB corresponden a Hermanos Bermudo, propietarios d’un chigre y que les emplegaben pa cuntar les consumiciones de los parroquianos). Tamién puen aparecer pieces con una misteriosa gotina de plombu.

                   Imperio Numismático. (Foru numismáticu)

No hay comentarios:

Publicar un comentario