2017: Policia de Segurança Pública

Motivu conmemorativu: 150 Aniversariu de la PSP (Policia de Segurança Pública)

Tirada: 5200.000               Fecha d’emisión: Xunetu

     La Polícia de Segurança Pública (PSP) ye la encargada de defender la llegalidá democrática, garantizar la seguridá interna y defender los drechos de los ciudadanos. Ye la encargada de la seguridá nes grandes urbes y les sos zones metropolitanes, mientres que la zona rural ye cosa de la Guarda Nacional Republicana (GNR). Anque’l so orixe data de la Edá media (los Quadrilheiros) pa llueu formar en 1780 la Intendência-Geral da Polícia da Corte e do Reino, dase como puntu inicial de la so nacencia l’añu 1867, col nome de Polícia Civil. El so nome d’anguañu data de 1927, al dixebrase ente PSP y policía Judiciaria.

     Nel intre la moneda aparez una representación de la ciudadanía (tiestes d’home y muyer) y les ciudades (los edificios). Al llau, les 3 consignes de la defensa policial: DIREITOS LIBERTADES GARANTIAS y no cimero les siegles de la policía PSP col so escudu. Alreor del diseñu los años 1867 (el de la fundación)-2017 (aniversariu y emisión) cola lleenda SEGURANÇA PÚBLICA. Abaxo, la marca de la ceca de Lisboa INCM, el nome del diseñador JOSÉ DE GUIMARAES y el nome del país emisor PORTUGAL.

     Nel aniellu esterior les doce estrelles de la Xunión europea.