9/3/18

2017: Guiotto di Bondone




Motivu conmemorativu: 750 Aniversariu del nacimientu de Guiotto di Bondone

Tirada: 70.500                Fecha d’emisión: 30 marzu

     Giotto di Bondone naz en Colle de Vespignano (Vicchio) en 1267 y muerre en Florencia en 1337. Reconocíu artista de la época que se desarrolló en dellos ámbitos artísticos, poesía, escultura, arquitectura y sobre too pintura. Considérase-y como ún de los entamadores del movimientu renacentista n’Italia, la so obra tuvo una influyencia determinante nos movimientos pictóricos posteriores.

     Nel intre la moneda aparez a manzorga, un detalle de la torre campanariu de Santa María del Fiore de Florencia, obra arquitectónica de Giotto, allendada pol nome del homenaxeáu y los años 1267 (añu del so nacimientu) y 2017 (añu del so aniversario asina como añu d’emisión) y el nome del país emisor SAN MARINO. A mandrecha, un detalle del retratu de Giotto y les iniciales de l’autora Luciana De Simoni, LDS. Abaxo vese la marca de la ceca de Roma, R.

     Nel aniellu esterior, les doce estrelles de la Xunión Europea.

No hay comentarios:

Publicar un comentario