28/4/16

2015: Jean Sibelius


Motivu conmemorativu: 150u Aniversariu del nacimientu de Jean Sibelius

Tirada: 1.000.000                  Fecha d’emisión: 18 febreru      

     Johan Julius Christian Sibelius (1865–1957) foi un compositor finlandés de música sinfónica; creador d’un estilu musical propiu ente los caberos años del sieglu XIX y los cimeros del XX, tá consideráu como un artista esceicional polos sos paisanos.

     Nel intre la moneda aparez un cielu estrelláu y una viesca pinos o abetos, suponse que ye una vista dende Ainola, nome de la casa nel campu, al pie del llagu Tuusula, onde Jean y la so muyer Aino (d’equí el nomatu la casa Ainola, dominiu d’Aino) vivieron los sos meyores años. A manzorga, el nome del conmemoráu JEAN SIBELIUS y l’añu d’emisión 2015. A mandrecha, les iniciales del país emisor Fi y la marca de la ceca de Vantaa. El diseñu la moneda ye de Nora Tapper.

     Nel aniellu esterior les doce estrelles de la Xunión Europea.

No hay comentarios:

Publicar un comentario