Motivu conmemorativu: Día Mundial de la llucha escontra’l
SIDA
Tirada: 3.000.000 Fecha d’emisión: 24 payares
El Día Internacional de l’Aición
escontra’l SIDA comemórase’l 1u d’avientu de cada añu ya dende 1988.
Hasta’l 2004 la so organización corría de la man de la Organización de les
Naciones Xuníes (ONXSIDA). A partir de 2005 la responsabilidá de la
conmemoración d’esti día corre a cargu de la organización independiente WAC
(World Aids Campaign: Campaña Mundial escontra’l SIDA).
El llazu
bermeyu ye’l símbolu d’esta llucha. Foi una iniciativa de Visual AIDS Artist
Caucus y el pintor estadounidense Frank Moore.
Nel intre la moneda aparecen tres llazos,
los de los llaos van invertíos y con una V superpuesta como sínbolu de vitoria.
Nos brazos los llazos la lleenda JOURNÉE MONDIALE CONTRE LE SIDA. Riba, la
fecha 1er DÉCEMBER y baxo, les sigles del país emisor RF y l’añu
emisión 2014. La marca la ceca y la del so direutor aparecen de llau los
llazos.
Nel aniellu
esterior les doce estrelles de la Xunión Europea.
De la so
tirada, la Monnaie de París reservó
10.000 monedes en calidá BU (brillante universal) y otres 10.000 en calidá BE
(belle épreuve - Preba o Proof) pa colleicionistes, cola idega de donar 2 euros
por pieza vendía a Sidaction, una ONG francesa que sofita actividaes locales
p’ayudar a la xente con SIDA, asina como a investigación. El llazu central
rescampla pol so color bermeyu.
No hay comentarios:
Publicar un comentario