2 euros conmemorativos alemanes

     La República Federal Alemana (Bundesrepublik Deutschland) entamó a acuñar monedes conmemoratives de 2 euros a partir del 2006,  presentando una colleición dedicada a ca un de los sos Bundesländer (Estaos Federales). Coincide que, según el sistema de Gobiernu alemán, ca añu un Bundesland preside’l Bundesrat (Conseyu Federal). Poro y aprovechando la coyuntura, la moneda anual dedícase al estáu que-y toque la presidencia. Como hai 16 estaos, habrá 16 monedes en 16 años, lo que la convierte nuna pequeña colleición al estilu de les monedes de cuartu de dólar norteamericanu, dedeicaes éstes tamién, a los sos Estaos.

     Al ser acuñaes nes cinco ceques del país, nel intre la moneda van venir les lletres identificatives de ca una d’elles: Berlín (A), Hamburgu (J), Karlsruhe (G), Munich (D) y Stuttgart (F).

     El cantu caltién el mesmu grabáu que la de 2 euros tipu, la lleenda Xunidá y Xusticia y Llibertá (y l'aigla):

     A partir del 2010, Alemaña tuvo d’afayar los diseños de les monedes a la normativa europea; poro, a partir d’equí hai un cambiu radical nel aniellu esterior de la pieza: desapaez la lleenda BUNDESREPUBLIK DEUTSCHLAND, les 12 estrelles ordénense tal cual tan na bandera de la XE y l’añu d’emisión llíndia la estrella de les 6 en puntu. La so identificación como país emisor reduzla a una cenciella D ente les estrelles de les 12:00 y la 01:00 (curiáu non confundila cola marca de la ceca de Munich, que ye tamién una D, pero que va grabada nel intre del diseñu).

     A partir del 2013 la lletra’l país y l’añu acuñación grábense nel intre, dexando solo l’aniellu llibre pa les estrelles de la bandera europea. Tamién n’esti añu Alemaña aprovecha una disposición del nuevu Reglamentu de la XE n^u 651/2012, nel que se permite a los miembros de la euruzona emitir dos monedes conmemoratives al añu (de primeres solo permitíen una, ensin contar les conmemoratives qu’acuñen en común tolos países de la euruzona) pa sacar una moneda conxunta con Francia.

     Los diseñadores de les monedes tamién dexen la so marca particular nos diseños; normalmente, amenórgase ésta a unes iniciales o un monograma.

 

Marques oficiales nes monedes (2004-2024)

Marques personales (Privy marks) nes monedes (2004-2020)

Llistáu de monedes conmemoratives de 2 euros (2006-2020)

     2006: Serie Bundesländer: Schleswig-Holstein

     2007: Serie Bundesländer: Mecklenburg-Vorpommern

     2007: 50 Aniversariu del Tratáu de Roma (Tola Eurozona)

     2008: Serie Bundesländer: Hamburg

     2009: Serie Bundesländer: Saarland

     2009: 10 Aniversariu de la Xunión Económica y Monetaria (Tola Eurozona)

     2010: Serie Bundesländer: Bremen

 

     2011: Serie Bundesländer: Nordrhein-Westfalen

     2012: Serie Bundesländer: Bayern

     2012: 10 Aniversariu de los billetes y monedes d’euru (Tola Eurozona)

     2013: Serie Bundesländer: Baden-Württemberg

     2013: 50 Aniversariu del Tratáu del Elíseu (Xunto con Francia)

     2014: Serie Bundesländer: Niedersachsen

     2015: Serie Bundesländer:Hessen

     2015: 25 Aniversariu de la Rexuntanza alemana
     2015: 30 Aniversariu de la Bandera Europea (Tola Eurozona)
     2016: Serie Bundesländer: Sachsen
     2017: Serie Bundesländer: Rheinland-Pfalz
     2018: Serie Bundesländer: Berlin
     2018: 100 Aniversariu del canciller Helmut Schmidt
     2019: 70 Aniversariu de la fundación del Bundesrat
     2019: 30 Aniversariu del esbarrumbe de la Muria de Berlín (Xunto con Francia)  

     2020: Serie Bundesländer: Brandenburg

     2020: 50 Aniversariu de la xenuflexón de Varsovia 

 

Llistáu de monedes conmemoratives de 2 euros (2021-2030)

 

     2021: Serie Bundesländer: Sachsen-Anhalt

     2022: Serie Bundesländer: Thüringen

     2022: 35 Aniversariu del programa Erasmus (Tola Eurozona)

     2023: Segunda serie Bundesländer: Hamburg. Filarmónica del Elba

     2023: 1275 Aniversariu del nacimientu de Carlomagnu

     2024: Segunda serie Bundesländer: Mecklenburg-Vorpommern. Königssthul

     2024: 175 Aniversariu de la Constitución de la Paulskirche

     2025: Segunda serie Bundesländer: Saarland. Saarschleife