2020: Serie Bundesländer: Estáu de Brandenburg

 

Semeya: Collectorcoins

Motivu conmemorativu: Estáu de Brandemburgu

Volume d’emisión: 30.000.000 pieces         Fecha d’emisión: xineru

 

     L’estáu de Bandenburg asitiase al este del país y arrodia por completu a la ciudá de Berlín. Ensin embargu, la so capital federal ye Postdam, ya que Berlín ye una ciudá estáu en sí (y a la que ya –y dedicaren una moneda nel 2018). Xunto cola vieya Prusia, foi l’embrión del segundu Reich o Imperiu alemán. Al sudeste, na rexón de Cottbus, habita la población Sorbia o Sóraba, que caltienen la so propia llingua, polo qu’esta rexón ye billingüe.

 

     El Palaciu de Sanssouci alcuéntrase na ciudá de Posdam. Pertenez a la institución de castiellos prusianos y xardinos de Berlín y Brandenburgu. El castiellu foi llevantáu ente 1745 y 1747 pol arquiteutu Georg Wenzeslaus von Knobelsdorff como llugar d’espardimientu del rei Federicu El Grande (de magar, el términu francés sans souci equval a un “ensin preocupaciones”). L’edificiu construyose n’estilu rococó y el propiu rei intervino nel so diseñu tan fonderamente que’l so estilu conozse realmente como rococó federicianu. Tres la Segunda Guerra Mundial, foi abiertu al públicu. Tanto elli como los sos xardinos, son Patrimoniu de la Humanidá dende 1990. Ellí reposen los restos del gran rei.

 

     Nel intre la moneda vese la fachada sur del palaciu y los xardinos aterrazaos. So elli aparez el nome del länder BRANDENBURG y la lletra identificativa del país emisor D. Sobre la cúpula aparez l’añu acuñación 2020; a manzorga la marca de la ceca y a mandrecha la marca del diseñador Jordi Truxa.

     Nel aniellu esterior, les doce estrelles de la Xunión europea.

     Fontes: Wikipedia. Brandemburgu.

                                     Palacio de Sanssouci (castellán)

                   Diaru Oficial de la XE a traviés d’Eurocoin