2021: Serie Bundesländer: Sachsen-Anhalt

 

Semeya: colectorcoin

Motivu conmemorativu: Estáu de Sachsen-Anhalt

Volume d’emisión: 30.000.000 pieces         Fecha d’emisión: 10 de mayu

     Saxonia-Anhalt (Sachsen-Anhalt) ye ún de los 16 estaos federaos d'Alemaña. La so capital ye la ciudá de Magdeburgu. La conformación d’esti estáu foi daqué enguedeyosa. Tres la II Guerra Mundial, la mayor parte del territoriu taba ocupao por tropes americanes y que tovieron que ceder a los soviéticos según el Protocolu de Londres. Foi l’únicu estáu baxo control soviéticu onde se cellebraren une elleiciones democrátiques, consiguiendo l’únicu Gobernador non comunista. Too esto finó col nacimientu de la RDA, onde los estaos federales foron disueltos. Tres la Rexuntanza alemana, tornó a ser estáu pero con dellos cambios nes sos llendes.

     La Sée-Catedral de San Mauriciu y Santa Catalina asítiase en Magdeburgu, foi una de les primeres catedrales gótiques alemanes y una de les de más altor de l’antígua República Democrática d’Alemaña. La so construcción entamose pel añu 1209 y duró unos 300 años; en 1520 finaben de coloca-y la cruz na torre norte. Nel so intre atópase la tumba d’Otón I El Grande, primer emperador del Sacru Imperiu Romanu Xermánicu. Magar que foi saqueada delles vegaes, entá caltién una bayura pieces d’arte qu’atropen toles estayes dende la Edá Media hasta la Contemporánea.

     Nel intre la moneda apaez una vista trasera de la Sée, apreciándose asina la so riqueza arquiteutónica. So elli aparez el nome del länder SACHSEN-ANHALT y la lletra identificativa del país emisor D. Riba, a manzorga, apaez l’añu acuñación 2021; centrao y a manzorga, la marca de la ceca y a mandrecha la marca del diseñador Michael Otto.

     Nel aniellu esterior, les doce estrelles de la Xunión europea.

     Fontes: Wikipedia. Saxonia-Anhalt

                                    Catedral de Magdeburgo (castellán) 

                  Numismática visual (castellán)