2019: Muria de Berlín (conxunta con Francia)

Semeya: Eurocoinland

Motivu conmemorativu: 30 Aniversariu del esbarrumbe de la Muria de Berlín

Volume d’emisión: 30.000.000         Fecha d’emisión: Seronda

     Tres la Segunda Guerra Mundial la ciudá de berlín foi dixebrada en cuatro estayes controlada ca una poles potencies vencedores. Les tensiones polítiqes ente la Xunión Soviética y los Estaos Xuníos, conocíu'l conflictu col nomatu de Guerra Fría, fexo que los soviéticos entamaren a fabricar, de sutruque ya ensi avisu, una muria que separare la so zona berlinesa del restu la ciudá. Esta quiebra vergoñosa en plenu coral d'Europa entamó a construyíse en 1961 y nun paró de perfeccionase práuticamente hasta la fecha del so esbarrumbe en 1989. 

     Esti añu conmemórense los 30 años del esbarrumbe de la Muria Berlín. Alemaña nun diba sacar una moneda pa cellebralo, pues ya sacare una nel 2015 conmemorando la rexuntanza del país; pero como Francia sí la sacare, pues como que –yos dio un pocuñín de vergoña. Poro, lo que fixeron foi lo más praútico (típico alemán), garrar el diseñu francés y facer la so moneda.

     Nel intre aparez la Muria con una abertura per onde salen unes palombes de la paz y milenta manes que fain referencia a los ciudadanos de los dambos dos llaos de Berlín. Al fondu vese la Puerte Brandemburgu, símbolu de la ciudá y que n’aquellos prietos años taba escondía pal llau de la RDA. A manzorga lleese la lleenda 30 JAHRE MAUERFALL (30 años de la cayía de la muria). L’añu emisión 2019 aparez baxo cola marca identificativa del país D.

     Nel aniellu esterior, les doce estrelles de la Xunión europea. 

Fonte: Wikipedia. La Muria Berlín.

             Numismática visual (castellán)