2022: Luxemburgu. Emisión común na XE. Programa Erasmus

 

Semeya: collectorcoins

Motivu conmemorativu: 35^u Aniversariu del Programa Erasmus.

Volume d’emisión en Luxemburgu: 500.000       Fecha d’emisión: 1^u xunetu

Volume d’emisión total: 37.146.500

     Nel intre la moneda apaez Erasmu de Rotterdam en plenu llabor y sobre’l diseñu de focos y faces de lluz y el númberu 35 como aniversariu de la efeméride. Pel costáu del filósofu, la lleenda 1987-2022 (esti últimu, tamién d’acuñación) ERASMUS PROGRAMME y el nome del país emisor, LËTZEBUERG. Na pluma vense les iniciales del grabador, J.J. (Joaquin Jimenez). Na manga, les marques de la ceca y del so mayestru. Detacar n’esta pieza que na parte superior lleva una imaxe llatente onde apaez el monograma del gran duque Henri I.

     Nel aniellu esterior les doce estrelles de la Xunión europea.

     A la fin, 19 países de la zona euru acuñaron la moneda. Aparte del presente, tamién acuñaron Alemaña, Austria, Bélxica, Eslovaquia, Eslovenia, España, Estonia, Finlandia, Francia, Grecia, Irlanda, Italia, Letonia, Lituania, Malta, Países Baxos, Portugal y Xipre.

 

     Fontes: Wikipedia: Programa Erasmus

                Numismática visual: Presentación idea. Votación diseños. Diseño ganador. Países emisores.