2022: Albertu I

 

Motivu conmemorativu: Centenariu del cabudañu del príncipe Albertu I

Tirada: 15.000               Fecha d’emisión: 7 setiembre

 

     El príncipe Albertu I gobernó Mónacu ente los años 1889 y 1922. Conocíu como’l príncipe navegante, foi un gran aficionau a los estudios oceanográficos, participando d’ellos ya inclusu realizando trabayos cartográficos anguañu vixentes. Formose y sirvió na Marina española como capitán de navíu y lluchó na guerra franco-prusiana del llau de la Marina francesa, algamando la Llexón d’Honor. Yera un gran aficionáu a la filatelia y como mecenes, sofitó dellos trabayos paleontolóxicos, abriendo un Institutu en París y recibiendo’l reconcimientu de les Academies de la Ciencia del Reinu Xuníu y los Estaos Xuníos. N’España, sofitó los trabayos de la cueva de Puente Viesgo en Cantabria, visitándola un par de vegaes. Sofitó tamién la conocía carrera automovilística de Montecarlo.

    Nel intre la moneda apaez la efixe del príncipe Albertu I con uniforme naval. A manzorga, el nome del país emisor, MONACO, y a mandrecha, l’añu d’acuñación 2022. Debaxo, el so títulu y los años de nacencia y muerte ALBERT I 1848-1922 llindiaos pola marca la ceca de Pessac (Francia) y la del so mayestru grabador Joaquin Jimenez.

     Nel aniellu esterior les doce estrelles de la Xunión Europea.

 

     Fonte: Wikipedia: Alberto I de Mónaco (castellán)

                 Numismática visual (castellán)