2022: Países Baxos. Emisión común na XE. Programa Erasmus

 

Semeya: collectorcoins

Motivu conmemorativu: 35^u Aniversariu del Programa Erasmus.

Volume d’emisión nos P. Baxos: 570.000       Fecha d’emisión: 1^u xunetu

Volume d’emisión total: 37.146.500

 

     Nel intre la moneda apaez Erasmu de Rotterdam en plenu llabor y sobre’l diseñu de focos y faces de lluz y el númberu 35 como aniversariu de la efeméride. Pel costáu del filósofu, la lleenda 1987-2022 (esti últimu, tamién d’acuñación) ERASMUS PROGRAMMA. Siguiendo la so mirada haza l’escritu y a metá de camín, vese la identificación del país emisor, NL. Na pluma vense les iniciales del grabador, J.J. (Joaquin Jimenez). Na manga, les marques de la ceca de Hauten y del so gabador xeneral.

     Nel aniellu esterior les doce estrelles de la Xunión europea.

     A la fin, 19 países de la zona euru acuñaron la moneda. Aparte del presente, tamién acuñaron Alemaña, Austria, Bélxica, Eslovaquia, Eslovenia, España, Estonia, Finlandia, Francia, Grecia, Irlanda, Italia, Letonia, Lituania, Luxemburgu, Malta, Portugal y Xipre.

 

     Fontes: Wikipedia: Programa Erasmus

                Numismática visual: Presentación idea. Votación diseños. Diseño ganador. Países emisores.