2020: Väinö Linna

 

Semeya: eurocoinland

Motivu conmemorativu: Centenariu del nacimientu de Väinö Linna 

Volume d’emisión: 800.000         Fecha d’emisión: 4^u trimestre

     Väinö Linna (1920-1992) escritor finlandés. Nacíu nuna familia campesina, trabayó d’ello hasta que foi llamáu a files y combatir escontra la XRSS na Guerra de Continuación (1941-1944). Tres llicenciase trabayó nuna fábrica textil pel día y escribía les sos noveles pela nueche. L’aniciu de la so fama entamó cola so tercer novela, Tuntematon Solitas (El soldáu desconocíu) de 1954. La trama’l llibru céntrase nes sos esperiencies y la de los sos compañeros durante la guerra; la so versión cinematográfica emítese  pela tele tolos años nel Día de la Independencia de Finlandia. La so obra cume ye una triloxía Täällä Pohjantähden Alla (So la Estrella Polar) na que fai un percorríu pela hestoria finlandesa dende’l sieglu XIX hasta la llegada del estáu del bienestar al país. 

 

     Nel intre la moneda aparez el bustu del escritor con unos filos que fain referencia al so pasáu como obreru textil y unes cuadrícules, en referencia a los sos llibros. So la tiesta aparez l’añu del centenariu y d’acuñación 2020 cola marca de la ceca y les iniciales del país emisor Fi. Alredor lleese’l so nome VÄINÖ LINNA El diseñu ye de Petri Neuvonen.

     Nel aniellu esterior, les doce estrelles de la Xunión europea.

     Fonte: Numismaticovisual (castellán)

                 Wikipedia: Väinö Linna (castellán)

                                     Guerra de Continuación (castellán)

                 Diariu Oficial de la Xunióneuropea a traviés d’eurocoinland