2020: Maria Montessori

 

Semeya: collectorcoins

Motivu conmemorativu: 150 aniversariu del nacimientu de Maria Montessori 

Volume d’emisión: 3.000.000         Fecha d’emisión: 16 de payares

     Maria Tecla Artemisia Montessori (1870-1952), foi la primer médica y educadora italiana conocida pola filosofía de la educación que lleva’l so nome y los sos escritos sobre pedagoxía científica. El so primer inclín foi’l d’estudiar inxeniería, frayando cola sempiterna norma de qu’esto yera solo pa homes. Pasó lluéu a estudiar bioloxía y medicina, matriculándose na Universidá de La Sapienza, Roma y graduándose con honores en 1896; foi la primer médica d’Italia. Siguió cola Antropoloxía, doctorose’n Filosofía y entró nos primeros cursos de Psicoloxía Experimental. El so esmolecimientu polos neños desarraigaos condicionó’l so llabor haza la pedagoxía. El so métodu educativu emplégase anguañu en munches escueles de tol mundu.

 

     Nel intre la moneda aparez el bustu de la honenaxeá con dellos elementos xeométricos de tipu didácticu, propios del so sistema. Alredor, el so nome MARIA MONTESSORI, y sigiendo’l gran cuadráu, a manzorga la marca de la ceca R, a mandrecha la marca de la diseñadora Luciana de Simoni LDS y sobre ella la marca identificativa del país emisor RI. No cimero, l’añu 1870 y no baxo l’añu acuñación 2020.

     Nel aniellu esterior, les doce estrelles de la Xunión europea.

     Fontes: Wikipedia. Maria Montessori

                   Numismático visual (castellán)

                   Diariu de la XE a traviés d’eurocoin (alemán)