Conseyu Interprovincial de Santander, Palencia y Burgos

       Tres l’españíu de la guerra, la provincia de Santander, asina como dellos conceyos del norte de Burgos y Palencia, se mantienen fieles al gobiernu llexítimu de la República. Al entamu, el poder foi xestionáu por una bayura de comités locales hasta que’l 27 xunetu se conformaron un Comité de Guerra pa dirixir l’esfuerciu bélicu, y una Junta de Defensa pa gobernar el territoriu, con capital en Santander.

     El Gobiernu de la República, según Decretu del 23 d’avientu de 1936, sustiúi la Xunta de Defensa creando’l Consejo Interprovincial de Santander, Palencia y Burgos, constituyéndose como órganu d’autogobiernu l’8 febreru de 1937. La República-y trespasa toles competencies esceutu Orde Públicu, Censura de Prensa y Radio, y Aconceyamientos y Manifestaciones Públiques. El Coseyu ocupose de l’asistencia a los refuxaos de les provincies vecines y la so evacuación; l’aprovisionamientu d’armes y alimentos, asina como l’acuñación de moneda.

     El 26 d’agostu de 1937 cai Santander en manes rebeldes, disolviéndose’l Conseyu.

     Dase como cierto que les monedes de los nuesos vecinos foron acuñáes en Bilbo (Euskadi) con valores de 50 céntimos y una peseta emplegando’l cuproníquel pa los cospeles, aunque tamién hai dellos exemplares de la peseta en cobre. Nel anversu de la moneda d’una peseta, no cimero, aparecen unes lletres, DS que se suponen son les iniciales del ensayador; nel so reversu, aparez un triángulu que d’algunos especuladores asocien a símbolos masónicos (como la pirámide nos dólares USA).

50 céntimos

Una peseta