2014: Bramante Lazzari

Motivu conmemorativu: V Centenariu de la muerte de Bramante Lazzari

Tirada: 110.000                Fecha d’emisión: 23 de xunu

     Donato di Pascuccio d’Antonio o Donato di Angelo di Antonio, conocíu col nomatu de Bramante (1443-1514), foi un pintor y arquiteutu italianu, asina como una de les figures más importantes del Renacimientu. El so llugar de nacencia ye base de disputa ente dellos territorios; ún d’ellos ye Sanmarín, pos asina lo atestigua una cita del escritor y contemporáneu de Bramante, Sabba Castiglione, grabada nuna estatua del susodichu homenaxeáu y asitiada nel país. Sabba tamién recueye esta afirmación nel so llibru Ricordi (1582).

     Nel intre la moneda reproduzse el bustu del artista xuntu al detalle de la cúpula de San Pedru en Montorio. A dambos dos llaos, les feches 1514-2014 (ésta última indica l’añu d’acuñación); alredor del grabáu la lleenda BRAMANTE LAZZARI DELLE PENNE DI SAN MARINO, onde’l país emisor dexa bien claro d’aú ye l’homenaxeáu. La marca la ceca de Roma R, aparez sol bustu, y les sigles de la diseñadora Maria Carmela Colaneri (M.C.C), sola cúpula.

     Nel aniellu esterior, les doce estrelles de la Xunión europea.