9/9/16

2008: Diálogu Intercultural


Motivu conmemorativu: Añu Européu del Diálogu Intercultural

Tirada: 130.000                Fecha d’emisión: 5 setiembre

     Efeméride llanzada poles instituciones europees p’afitar la idega del diálogu ente les distintes comunidáes del continente.

     Nel intre aparez una representación de les diferentes cultures de les cinco rexones d’Europa (setentrional, meridional, occidental, oriental y central), identificaes por cinco siluetes humanes sobre un mapa del continente y cuatro llibros que simbolicen los testos sagraos de les distintes comunidaes europees (la Biblia pal cristianismu, el Corán pal islamismu y la Torá y el Talmud pal xudaísmu). La lleenda ANNO EUROPEO DEL DIALOGO INTERCULTURALE aparez sola imaxe y, enriba d’ella, el nome del país emisor SAN MARINO col añu d’emisión 2008. A manzorga, la marca de la ceca de Roma R y a mandrecha, les iniciales del diseñador Ettore Lorenzo Frapiccini E.L.F.

     Nel aniellu esterior, les doce estrelles de la Xunión europea.

No hay comentarios:

Publicar un comentario