Motivu conmemorativu: 25u Aniversariu de la
rexuntanza d’alemaña
Tirada: 100.000 Fecha d’emisión: 29 setiembre
El 3 d’ochobre foi ratificada, oficialmente, la
rexuntanza d’alemaña tres la cayía de la Muria de Berlín un añu enantes. Con
esti fechu, los estaos federales que conformaben la nomada República
Democrática Alemana (l’Alemaña del este u oriental) entraron a formar parte de la
República Federal alemana (l’alemaña del oeste u occidental).
La Puerta de Brandemburgu, en territoriu
oriental berlinés, pasó a tener una simboloxía sentimental ente los alemanes,
ya que foi el primer llugar onde s’atoparon los berlineses d’ambos dos llaos
tres l’esbarrumbe de la muria.
Nel intre la moneda reproduzse la Puerta berlinesa entellazada cola so ximielga, al
mou de los deos d’una man, como símbolu de la rexuntanza. El diseñu ye de Erik
Spiekermann (ES na moneda, a manzorga). Alredor del diseñu lléese la lleenda:
25º ANNIVERSARIO DELLA RIUNIFICAZIONE DELLA GERMANIA 1990-2015 y el nome del
país emisor xunto al añu d’emisión en númberos romanos SAN MARINO MMXV. La
marca de la ceca de Roma R, vese a mandrecha.
Nel aniellu
esterior, les doce estrelles de
la Xunión europea.
Alemaña tamién sacó una moneda
conmemorativa de 2 euros dedicada a la rexuntanza esti mesmu añu. El vaticanu,
ya sacare una en 2014 n’alcordanza del fechu.
No hay comentarios:
Publicar un comentario