17/3/15

II República y Guerra Civil (1931-39)



     Alfonsu XIII decide abandonar el país a causa del escasu sofitu que tién en tolos estamentos sociales, reflexao ello nes elleiciones del 12 d’abril de 1931. Por ello, proclámase la II República Española el 14 d’abril.

     Los débiles gobiernos republicanos fain que medre una espiral de violencia ente distintes facciones aglutináes en dos grandes bloques: la derecha representada nun bloque políticu nomáu CEDA, y la izquierda, nel bloque Frente Popular. Dellos asesinatos políticos, ansies independentistes de vascos y catalanes y aires revolucionarios na clas obrera fain d’escusa pa que l’exércitu d’Africa se llevante n’armes el 17 de xunetu de 1936, entamando una guerra civil qu’asolaría España durante 3 años, finando l’1 d’abril de 1939. Cola fin de la guerra, muerre la II República.

Monedes de la II República (1931-1938)

     Cola República cambia radicalmente el tipu a acuñar nes monedes (aunque fuere precursor n’esto Primo de Rivera, como ya viéremos nel capítulu d’Alfonsu XIII). Desaparecen los bustos reales que son sustituyíos por alegoríes de la República, mui al estilu francés y el títulu REPUBLICA ESPAÑOLA sustitúi al monárquicu "pola Gracia de Dios". L’escudu tamién camuda, asemeyándose más al escudu de 1868; desaparez la corona real, suplía por una mural y tamién ye desaniciáu l’escudetu de la casa Borbón.

     Tamién dexen de grabase les iniciales del Fiel de Balanza y los Ensayadores, asina como les iniciales o firmes de los diseñadores y/o grabadores. La marca de ceca y los años d’acuñación aparecen namás que na peseta de 1934 y nes monedes de 50 céntimos de 1937.


Emisiones republicanes enantes de la guerra civil (1931-36)

     La primer peseta republicana yera de plata y foi acuñada en 1934, anque vién cola fecha d’emisión de 1933. Foi la última peseta fecha en plata, ya que les monedes corrientes dexen d’acuñase con metales nobles (plata y oru) pa facese con nuevos metales (fierru, llatón, níquel…). Tamién entama a aparecer más papel moneda (billetes) incluyíos valores baxos (5, 10 pesetes).

















Emisiones republicanes durante la guerra civil (1936-39)

     La nueva peseta de 1937 yera de latón, dándo-y un color doráu a la moneda; el pueblu entamó a nomala Rubia poles guedeyes doraes (como tola moneda) de la rapaza del anversu. Otra lleenda popular denomínala la de los tres vicios del home: les perres, les muyeres y l’alcohol (la vid del reversu).
































1 peseta (La Rubia)



Monedes de cartón

     La falta metales durante la guerra fai que nazan les “monedes” de cartón asina como los primeros billetes de a peseta. Delles monedes nun yeren más que cospeles de cartón con un sellu correos que marcaba’l valor de la divisa; nel reversu diba grabau l’escudu republicanu.




El Bancu de Burgos (bandu nacional)


Sée del Bancu de Burgos
     El bandu rebelde, autonomáu Nacional, asitió la so capital en Burgos, formando ellí el so Gobiernu y el so propiu Bancu Nacional. Lo que más emitió esti bancu foron billetes, acuñando namás q’una moneda de 25 céntimos. Los cospeles foron fechos pola casa austríaca de Berndorfer Metallwrenfabric A.G. (Berndorf) y la Casa de la Moneda de Viena l’acuñó. El diseñu foi fechu por José Luis Sánchez-Toda, baxo la direición téunica de Víctor Villanueva. 








No hay comentarios:

Publicar un comentario