Primer serie (2002- )
Yvette
Gastauer-Claire recibió l’encargu de diseñar les monedes tres un alcuerdu ente
la casa ducal reinante y el gobiernu de Luxemburgu. La so marca privada
vién grabada nos tipos (GC). Toles monedes de Luxemburgu, por llei, han d’acuñase
cola efixe de so Alteza Real el gran duque (n’esti casu, Henri I), ya inclúin l’añu
d’emisión (poro, les primeres monedes son del 2002) y el nome’l país escritu en luxemburgués (Lëtzebuerg).
Sigún la
tradición holandesa copiada pol Ducáu, nes monedes luxemburgueses que lleven el
retratu del xefe l’estáu, la tiesta ha de tar xirada a manzorga, si nun ye la
primer vez que la efixe ye usada en dalguna acuñación. Nel casu del Gran Duque
Henri I la tiesta ta xirada a mandrecha, lo que nos indica que ye la primer vez
qu’acuñen monedes cola so efixe.
Luxemburgu
nun tién ceca propia, polo qu’encarga les sos acuñaciones a la Casa de la
Moneda de los Paises Baxos (Koninklijke Nederlandse Munt) asitiada n’Utrech;
dicha identificación vién grabada na moneda coles marques de la ceca (el
Caducéu de Mercuriu) y del so direutor. Esto nun ye del too ciertu, hai un par
de paréntesis nes acuñaciones ente 2005 y 2008 nos que Luxemburgu optó por
camudar de ceca: nos años 2005-2006 acuñaron en Vantaa (Finlandia), y nel
2007-2008, en Pessac, Francia. Les males llingües dicen que tornaron pa Utrech
poles perres (paez que los holandeses son más baratos).
Poro, estes
son les marques de ceques que podemos atopar nes monedes luxemburgueses. La de Vantaa,
aparte la cornucopia, trai una S (de
Suomi, Finlandia en finés) nuna estrella grabada. Nel casu francés, aparez la
marca de la so ceca (que ye tamién una Cornucopia o Cuernu la Bayura, xuntu
cola del so direutor, d’aquella Hubert Larivière:
 |
| Marques de les ceques y años en que foron emitíes |
 |
| Marques priváes de los direutores de les ceques y años |
1 La
primer emisión de monedes luxemburgueses foi nel añu 2002, siendo direutor de
la ceca holandesa Maarten Brouwer, pero la moneda ya taba diseñada nel 2000,
polo que la marca grabada yera la del direutor provisional Erik J. van Shauwenburg.
A pesar de
que paez un mesmu diseñu, realmente ye’l típicu 2-3-3, ya que la efixe del gran
duque grabada nos tipos varíen d’estilu sigún la moneda. L’ añu la impronta ye’l
d’emisión, poro, les primeres monedes son del 2002. Los céntimos nun cumplen la
norma de llevar les estrelles arrodiando’l diseñu asemeyandu la bandera
europea.
1, 2 y 5 céntimos
El diseñu la efixe’l gran duque nos céntimos de cobre ye de tipu clásicu, con un retratu al detalle. Lleven
la marca de la ceca y la del so direutor (esceutu los emitíos en 2005 y 2006 en
Finlandia, que lleven una S nuna
estrella) asina como la marca de la diseñadora. L’añu d’emisión (entemediu les
marques de ceca y direutor de la mesma) y la identificación del país emisor (LËTZEBUERG,
en luxemburgués) arrodien el diseñu xuntu con 12 estrelles, polo que ya nun
cumple la norma europea de grabar la bandera la XE a semeyanza les hores d’un
reló d’aguyes.
10, 20 y 50
céntimos
Nes monedes
d’oru nórdicu un diseñu tradicional
simplifica la tiesta con contornos rectos ya ensin detalles, mui propiu de los
Países Baxos y la so redolada. Lleven la marca de la ceca y la del so direutor
(esceutu los emitíos en 2005 y 2006 en Finlandia, que lleven una S nuna estrella) asina como la marca de
la diseñadora. L’añu d’emisión vá grabáu ente les marques de ceca y el so
direutor). La identificación del país emisor (LËTZEBUERG, en luxemburgués)
arrodia’l diseñu xuntu con 12 estrelles, polo que ya nun cumple la norma
europea de grabar la bandera la XE a semeyanza les hores d’un reló d’aguyes.
1 y 2 euros
Les monedes bimetáliques tamién son copia del estilu holandés modernu: un retratu partíu a la mitá
dexando sitiu pal nome’l país emisor (LËTZEBUERG, en luxemburgués) y l’añu
emisión ente les marques de ceca y el so direutor (alcordémonos de les
esceiciones del 2005 y 2006). Tamién aparez la marca de la diseñadora. N’esti
casu el diseñu cumple cola norma d’arrodiase coles 12 estrelles de la bandera
europea.
Nel cantu
la moneda de 2 euros aparez la típica repetición del so valor numberal coles
estrelles ximielgues:
No hay comentarios:
Publicar un comentario