I República y Revolución Cantonal

     Tres l’abdicación d’Amadéu I, el Gobiernu proclama la I República, la cual duró namás que 10 meses, polo que nun s’emitió moneda durante esti períodu, anque sí s’acuñaron monedes d’1 y 2 pesetes col tipu del Gobiernu Provisional y de 5 pesetes cola efixe d’Amadéu I. 

     Durante esti curtiu y convulsivu períodu, acontecieron les denominaes Revoluciones Cantonales en delles ciudaes del país que reivindicaben la descentralización del gobiernu, raspiando en dellos casos intenciones independentistes. 

Ente tous la frayaron...

     Tres l’esbarrumbe de la República, proclámase un Poder Executivu el 3 de xineru de 1874 presidíu pol xeneral Serrano que duraría hasta la Proclamación del rei Alfonsu XII a finales d’avientu d’esi mesmu añu. N’esti periodu siguen acuñándose monedes de 2 pesetes d’emisión de 1870 y duros d’Amadéu I.

Ciudá Cantonal de Cartaxena

Bandera del Cantón

     La ciudá de Cartaxena foi sometida a sitiu nel añu 1873. Pa dar fe d’esti acontecimientu, la ciudá dictó un decretu p’autorizar la emisión de moneda y según el preámbulu de dichu decretu, pa qu’esistiere un testimoniu vivu que recordare tal sitiu. El Cantón cayó en 1874.

Les monedes del Cantón

     Les monedes emitíes foron de 2 y 5 pesetes, asina como una emisión de 10 reales, toes elles de plata ya ensin debuxos nin escudos, namás dalgún adornu y un anversu común. La moneda de 2 pesetes foi acuñada en Bruseles pola firma Mening Frères.

 

2 pesetes

 

 

 

10 reales

 

 

5 pesetes