 |
| Carlos VII (pel 1880) |
Una vez entamada la griesca (la guerra duró
de 1872 a 1876) los carlistes ocuparon una bona parte del norte d'España, onde
gobernó de factu el so aspirante al tronu español.
El rei construyó una Casa de la Moneda n'Oñate (Guipuzkoa) onde s'acuñaron delles pieces. Destaca nel reversu l'escudu de la monarquía hispánica, esto ye, ensin
les armes d'Aragón y Navarra y con escudetu central de la Casa Borbón. Per otru
llau, aparez tamién moneda d'esti rei supuestamente acuñada en Bruseles
(Bélxica), anque ensin el so consentimientu.
La ceca d’Oñate
 |
| Duru d'Oñate (1875) |
De xuru que n'esta ceca foi acuñada una
medaya ensin nengún valor facial agregáu, pero que foi conocía popularmente
como´l duru d´Oñate o duru carlista por tener les mesmes
dimensiones que les monedes de 5 pesetes. Realmente yera una medaya
conmemorativa sacada espresamente pola inauguración por parte del rei de dicha
Casa de la Moneda y que foi usada finalmente como moneda.
Oficialmente reconocíes pol gobiernu
carlista, solo s'acuñaron monedes de valor facial de 5 y 10 céntimos n'Oñate,
anque delles publicaciones numismátiques les coloquen en Bruseles. Nel reversu
detaquen una flor de lis, símbolu del monarca y una margarita, símbolu de la
so esposa... Margarita, caro.
Esisten variantes col reversu xiráu 180 graos
respeutu a la posición habitual de los cuños. Asina mesmo, la mayor parte de los
exemplares presenten un fallu d'acuñación nel reversu, sobremanera na base la
corona y nel escudetu central, debío a un defeutu del troquel y non al desgaste
del usu.
 |
| 50 céntimos (1876) |
Esiste una moneda de 50 céntimos sobre la
que hai series dubies de si ta acuñada n'Oñate o Bruseles. El so diseñu ye
bastante diferente del restu monedes, anque caltién les flores identitaries de
la pareya real. Nel reversu, a dambos dos llaos del valor facial, puen vese les
iniciales O.T propies de la ceca d'Oñate. Detaca tamién que les lleendes tan
en llatín, dalgo más común nes acuñaciones belgues. Al parecer solo s'acuñaron
a mou de preba unes 1000 pieces. De momentu, gana la postura de que ta fecha en
Bélxica.
5 Pesetes (1874)
Otra cosa son les monedes de 5 pesetes, éstes sí ta confirmao que tan feches en Bruseles y nunca llegaron a circular.
Nun taben oficialmente reconocíes como moneda de cursu llegal nos territorios
carlistes, polo que la so acuñación foi fecha pa la mera especulación. A pesar
d'ello, gracies a la so belleza y calidá, son reconocíes nel mundu numismáticu
algamando altes cotizaciones nes puyes.
Aparte, esisten variedaes a esgaya
d'esti duru; hai pieces d'oru, plata, estañu, prebes en cobre ya inclusu en
plombu, toes elles col valor facial de 5 pesetes y coles medíes de los duros de
la época. Nel anversu aparez en toes el bustu lloreáu de Carlos VII, y nel
reversu aparez l'escudu de la monarquía hispánica y el valor facial 5 p. Y otra
vegada variedaes a esgaya, distintes lleendes en llatín y/o castellán con
dalguna incorreición, cantos llisos o estriaos con grosor normal o doble, o
l'añu d'emisión, 1874, nuna de les cares o en dambes dos… Que foren acuñaes en
Bélxica atestígualo la marca P. BEMBO sol cuellu'l rei; al parecer sedría'l
nomatu d'Augusto Brichaut, personaxe que llegó a ser inspeutor d'acuñación na
Casa la Moneda de Bruseles.
Sábese de la esistencia de variantes de la moneda de 1874 en plata y en cobre. Equí presentamos 3 variantes:
5 Pesetes (1885)
 |
| (Ver ficha) |
Esiste tamién una moneda de plata fechada
en 1885, pero n'esti casu nun aparez la marca'l grabador y l'escudu real
aseméyase más al de la moneda 50 céntimos. La so acuñación tan
tardía, coincide sospechosamente col añu de fallecimientu del rei Alfonsu XII,
polo que pue interpretase como un amagu de reclamación del drechu al tronu, ya
que’l futuru rei Alfonsu XIII entá nun naciere.
No hay comentarios:
Publicar un comentario