Marques oficiales nes monedes
Llistáu de monedes conmemoratives
27/8/15
2 euros conmemorativos austríacos
Austria nun ye un país mui dau a facer
esti tipu de monedes conmemoratives. La verdá ye que siempre foi acuñador de
monedes d’inversión n’oru y plata, conocíes como les monedes de la Filarmónica
de Viena, ya que’l tipu diseñáu en diches monedes ta dedicáu a esta gran
orquesta. La ceca de Viena ye la encargada de les sos acuñaciones. La única
marca identificativa ye’l nome del país emisor, de magar que na del 2005, la
primera, nun apaez y suponse que lu identificamos col fondu del diseñu
qu’asemeya la bandera austríaca. El cantu lleva el mesmu grabáu que la de dos
euros tipu:
26/8/15
2 euros conmemorativos alemanes
La República
Federal Alemana (Bundesrepublik
Deutschland) entamó a acuñar monedes conmemoratives de 2 euros a partir del
2006, presentando una colleición dedicada a ca un de los sos Bundesländer
(Estaos Federales). Coincide que, según el sistema de Gobiernu alemán, ca añu
un Bundesland preside’l Bundesrat (Conseyu Federal). Poro y
aprovechando la coyuntura, la moneda anual dedícase al estáu que-y toque la
presidencia. Como hai 16 estaos, habrá 16 monedes en 16 años, lo que la
convierte nuna pequeña colleición al estilu de les monedes de cuartu de dólar
norteamericanu, dedeicaes éstes tamién, a los sos Estaos.
25/6/15
Suscribirse a:
Entradas (Atom)