2 euros conmemorativos griegos

     Grecia tien la so propia Casa de la Moneda, asitiada en Halandri; la so marca ye una fueya d’acanthus. Al emplegar alfabetu cirílicu griegu, abúltanos un poco enguedeyu tornar les sos lleendes; de tolos móos, quedémonos a lo menos col nome oficial del país: ΕΛΛΗΝΙΚΗ ΔΗΜΟΚΡΑΤΙΑ (República Helena o Grecia, como ye más conocíu) y el so valor nominal 2 ΕΥΡΩ (2 EUROS). Delles vegaes apaez tamién la marca del diseñador. El cantu lleva’l mesmu grabáu que la de dos euros tipu:

2 euros conmemorativos franceses

     Francia tién la so propia Casa de la Moneda, nomada Monnaie de Paris, pero la so fábrica (la ceca) ta asitiada na ciudá de Pessac (Burdeos); poro, nun ye un res raro qu’apaeza cualisquier de les dos identificaciones nes publicaciones especializaes. La so marca ye una cornucopia o cuernu de la bayura; xunto a ella vién tamién la marca privada del direutor de la ceca o el so grabador xeneral. Delles vegaes tamién apaez la marca del diseñador. El cantu ye igual que’l de la moneda de dos euros tipu:

2 euros conmemorativos finlandeses

     Finlandia tién la so propia Casa de la Moneda (Suomen Rahapaja Oy) en Vantaa, Helsinki. Nes primeres monedes conmemoratives apaecen dos marques privaes: la del direutor de la ceca y la del diseñador del grabáu; na moneda del 2006, súmase-yos l’abreviatura identificativa del país, FI o Fi. A partir del 2008, desapaecen les marques privaes quedando namás que la marca del país emisor y apaeciendo la marca la ceca, una cornucopia, que camudará, nel 2010, pol emblema identificativu del país, un llión, nun círculu. El cantu ye igual que’l de la moneda de dos euros tipu, esceutu la acuñada nel 2005.

2 euros conmemorativos eslovenos

      Eslovenia nun tien ceca propia, polo que contrata les acuñaciones de los sos euros a otres Cases de la Moneda mediante concursu. La única marca identificativa ye la del nome del país emisor. El cantu va grabáu igual que les monedes de dos euros tipu:

Marques oficiales nes monedes

                

Nome país emisor

SLOVENIJA

 

Llistáu de monedes de 2 euros conmemorativos (2008-2020)

2 euros conmemorativos eslovacos

     Eslovaquia tién la so propia Casa de la Moneda, asitiada en Kremnica y el so logu apaez grabáu nes monedes (MK ente dos troqueles y nun círculu). Como marca privada, apaez la del diseñador de la moneda. El cantu vién grabáu igual que les monedes de dos euros tipu: República Eslovaca y una fueya tilar ente dos estrelles.

 

2 euros conmemorativos vaticanos

     Lo mesmo que les monedes tipu, les conmemoratives vaticanes tan acuñaes pola ceca de Roma, representada por una R. Decatase tamién de que suelen apaecer les sigles o apellíos del diseñador y/o del grabador de la moneda; esti últimu, ye reconocible por dir acompañáu pola abreviatura INC, propia del términu italianu Incisore (grabador) o bien d’una aceición llatina, Incidit (grabolo). El cantu lleva el mesmu grabáu que les de dos euros tipu:

 

 

2 euros conmemorativos españoles

     La primer moneda conmemorativa española foi acuñada nel 2005 pa conmemorar los 400 años de la publicación de les aventures del Inxeniosu fidalgu Don Quixote de La Mancha. Ensin embargu, a la RCM-FNMT prestó-y la idega alemana de facer una serie colleicionable (y un chisgu pa los colleicionistes) dedicada, nel casu español, al Patrimoniu de la Humanidá de la UNESCO. Poro, a partir del 2010 España fadrá una moneda anual conmemorativa dedicada a dichu patrimoniu nel so territoriu. Tamién destacar qu’a partir d’esti añu España axusta los diseños de les sos monedes a los requisitos d’Europa.

     Nel 2014 España emite por primer vez 2 monedes conmemoratives, abriendo asina el nuevu camín permitíu poles normes europees.