2023: Luca Signorelli

 

Semeya: collectorcoins

 

Motivu conmemorativu: 500 cabudañu de Luca Signorelli

Volume d’emisión: 56.000         Fecha d’emisión: 5 setiembre

 

     Luca d'Egidio di Ventura de Signorelli, tamién Luca Signorelli o Luca da Signorelli (¿1450? - 1523) foi un pintor cuatrocentista italianu. Trátase d’un de los grandes mayestros de la llamada Escuela d’Umbría. Detacáu discípulu de Piero della Francesca,  del que deprendió el so tratamientu de la perspectiva, recueye influyencies tamién d’otros artistes como Antonio del Pollaiuolo. Formáu en Florencia, marcha pa Roma, onde trabaya na fechura de parte de los frescos de la Capiella Sixtina. La so obra mayestra atópase na capiella de San Briciu, na catedral d’Orvieto, onde plasma l’Apocalipsis y el Xuiciu Final nes sos parées basándose na Divina Comedia de Dante.

 

     Nel intre la moneda apaez un ánxelu, detalle de la so obra Il paradiso y parte de la so obra asitiada na catedral d’Orvieto. Alredor, l’añu de la efeméride y el d’acuñación 1523-2023, el so nome SIGNORELLI y el nome del país emisor SAN MARINO. Xunto la man del ánxelu la marca de la ceca R y nel pie drechu, la marca de la diseñadora Marta Bonifacio, MB.

 

      Nel aniellu esterior, les doce estrelles de la Xunión europea.

 

     Fontes: Wikipedia. Luca Signorelli (castellán)

                  Numismática visual (castellán)